SALM 44:3 - Lai (Hakha) Common Language Bible 2006

³ Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

Laibaibal Thiang (BSI)

³ Zeitintiah ram hi an vainam hmangin an lâkmi a si lo, an bân in an khamhmi zong a si lo, na orhlei kut le bân hna le, na hmaiceu thawngin ram hi lâk a si, zeicatiah na duhpiak hna caah a si.

SALM 44:3 Referans Kwoze

JOSHUA 24:12

Cun Amor mi siangpahrang pahnih nan hmai in a ṭhawltu hna khuaingal kha nan hmaiah ka thlah; nan vainam in siseh, nan likuk in siseh a si lo.

2 KORIN 4:7

Asinain hi thlarau rothil a kengtu kannih hi tlak um bantuk men kan si, cu nih cun thil ti khawhnak ṭhawnnak hi kanmah ta si loin Pathian ta a si ti kha a langhter.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

SALM 77:15

Na lianhngannak in na mi cu na khamh hna, na mi Jakob tefa hna le Josef tefa hna cu na khamh hna. Selah

SALM 20:6

Atu cu Bawipa nih a thimmi siangpahrang kha teinak a pek ti ka hngalh cang; a thiangmi a vancung khin a run leh i a ṭhawngmi a lianhngannak in teinak kha a pek.

DEUTERONOMI 10:15

sihmanhsehlaw Bawipa nih dawtnak in na pupa hna cungah a lung a chiah i annih hnu i an tefa, nannih cu, midang vialte hlan in an thim hna, nihin ah nan si bang hin.

EXODUS 15:16

Ṭihnak le thinphannak kha an cungah a tlung. Na ṭhawnnak a lianhngan ruangah, lung bantukin cang loin an dir, maw Bawipa, na mi hna an lanh dih hlantiang, nangmah na mi hrimhrim an lanh dih hlantiang an dir.

SALM 42:11

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

SALM 42:5

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.

SALM 74:11

Zeicahdah bawmh na kan duh lo? Zeicahdah na kut cu na hnulei ah na chiah hna?

SALM 17:7

Maw Khamhtu Bawi, na dawtnak khuaruahhar cu langhter ko; na kiang kan um ahcun kan ral hna kut chungin kan him.

SALM 4:6

“Thluachuahnak hmu u si law kan hei duh hringhran dah,” a timi tampi an um. Maw Bawipa, kan cungah zaangfahnak run ngei ko.

NAMBAR 14:8

Bawipa cu kan cungah aa lawmh ahcun hi ram chungah cun a kan luhpi lai i a kan pek lai, cawhnuk le khuaihliti in a luangmi ram a si ko.

ISAIAH 63:12

Zungzal hmunmi minthannak hmuh awkah, a mi hna hmaiah rili hmanh a cheu i a sal Moses thawngin thil lianngan a tuah i a ṭhawnnak a hmangmi Bawipa kha khuika ah dah a si hnga?” an ti.

SALM 80:16

Kan ral nih mei in an khangh i an sam dih; na thinhun in zoh hna law hrawk hna.

JOSHUA 3:10

Cun Joshua nih, “Mah hi hin Pathian nung cu nan lakah a um i, amah nih pel lo tein nan hmai in Kanaan mi hna le Hit mi hna le Hiv mi hna le Periz mi hna le Girgash mi hna le Amor mi hna le Jebus mi hna cu a dawi hna lai, ti kha hngal ko u.

2 SAMUEL 7:23

Pathian nih amah mi si awk ca i tlanh awkah a kalhnawh hna i amah ca i min pakhat i ser i, amah mi hna hmai in miphun pakhat le cu miphun khuazing hna kha ṭhawl in annih cu thil lianngan le ṭihnung a tuahpiakmi hna, na mi Israel mi hna bantuk hi, vawlei cungah hin zei miphun tal an um ti maw?

2 CHANRELNAK 20:7

Maw kan Pathian, nangmah nih hika ram mi hna cu na mi Israel mi hna hmai i na dawi hna i na hawi Abraham tefa hna sinah zungzal ca in na pe hna lo mei?

SALM 78:55

A mi pawl cu hmailei i an hung fon deuh lengmang tikah khan cuka i a rak ummi hna kha a dawi hna; ram cu Israel miphun kha a cheuh hna i cuka ah cun an thlam chung cio ah khan khua a sakter hna.

SALM 80:9

A ṭhan khawh nakhnga hmun kha na thianhpiak i cucaah a hram cu thukpi an pil kho i a ruang cu an zam i ram vialte kha an huh dih.

SALM 111:6

A ṭhawnnak cu a mi hna sinah khan a langhter, ramdangmi hna ram cu a mi kha a pek hna.