SALM 44:23 - Lai (Hakha) Common Language Bible 2006

²³ Bawipa, i hlau tuah! Zeicahdah naa hngilh? Tho tuah, a zungzal in kan hlawt hlah.

Laibaibal Thiang (BSI)

²³ I hlau tuah! Maw BAWIPA, zeiruangahdah nâ hngilh? Tho law, hnu lei kan chit thai hlah.

SALM 44:23 Referans Kwoze

SALM 78:65

A donghnak ah Bawipa cu hngilh i hun i hlauh bantuk khin a hun i hlau; zu nih a tha a pawttermi ralkap ṭhawng bantuk khi a si.

SALM 7:6

Na thinhun in tho tuah, maw Bawipa, ka ral hna thinhunnak kha doh awkah dir tuah. I hlau law ka bawm tuah, zeicahtiah na duhmi cu ding tein biaceih kha a si.

SALM 74:1

Zeicahdah hitihin na kan hlawt, Maw Pathian? Na mi cungah hin zungzal in maw na thin a hun lai?

SALM 35:23

Bawipa, i hlau law ka chanh tuah; ka Pathian, tho law ka bia ka chimpiak tuah.

MARKA 4:38

Jesuh cu lawng hnulei ah khan a um i chantling cungah khan a rak i hngilh. A zultu hna nih khan an va hlauh i, “Saya, kan thih dengmang cang ṭung, zei poi loin maw na um ko?” an ti.

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

SALM 88:14

Bawipa, zeicahdah na ka hlawt? Zeicahdah na ka thuhtak?

SALM 77:7

Bawipa nih hin a zungzal in maw a ka hlawt ko lai? Ka cungah hin lawmhnak a ngei ṭhan ti lai lo maw?

SALM 44:9

Sihmanhsehlaw atu cu maw Pathian, na kan hlawt cang i kan ral nih khan an kan tei cang; kan ralkap hna kha na kalpi ti hna lo.

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.