SALM 44:21 - Lai (Hakha) Common Language Bible 2006

²¹ nangmah nih na hmuh ṭheoṭheo hnga, zeicahtiah minung lungthin chung biathli cu na hngalh dih.

Laibaibal Thiang (BSI)

²¹ Pathian nih a hngal cawlh lai lo maw? zeitintiah lungthin i bia thli zong hngaltu a si.

SALM 44:21 Referans Kwoze

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

PHUNGCHIMTU 12:14

Pathian nih kan tuahmi thil paohpaoh hi, a thli tein kan tuahmi si hna seh, a ṭha kan tuahmi si hna seh, a chia kan tuahmi si hna seh, bia a ceih dih hna lai.

JOB 31:4

Sihmanhsehlaw Pathian hrimhrim nih ka lam kha a zoh hna in ka ke hlan vialte kha a rel dih hna lo maw?

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

ROM 2:16

Cucaah Pathian nih Jesuh Khrih thawngin minung lungthli ruahnak kha bia a ceih Ni ah cun hi bantuk hin a si te lai ti hi ka chimmi Thawngṭha nih a chimning cu a si.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

JOB 31:14

Pathian a langh tikah zeidah ka tuah kun lai? Biahalnak a ser tikah zei in dah ka leh lai?