SALM 44:2 - Lai (Hakha) Common Language Bible 2006

² Cu thil lianngan na tuahmi hna cu, zeitindah nangmah hrimhrim nih hi ram chung lawkihmi kha na dawi hna i an ram ah cun na mi kha nan umter hna ti le zeitindah phundang mi cu dan na tat hna i na mi tu cu na ṭhanchoter hna, ti hi a si.

Laibaibal Thiang (BSI)

² Na kut in miphun kha na ṭhawl hna, pipu hna cu hmun na pêk hna i midang kha harnâk pein na ṭhawl hna.

SALM 44:2 Referans Kwoze

EXODUS 15:17

Na mi cu na luhpi hna lai i na tlang cungah khan na phun hna lai, na umnak inn ca i na sermi hmun ah khan na phun hna lai maw Bawipa, nangmah hrimhrim nih na sakmi biakinn ah khan na phun hna lai, maw Bawipa.

SALM 78:55

A mi pawl cu hmailei i an hung fon deuh lengmang tikah khan cuka i a rak ummi hna kha a dawi hna; ram cu Israel miphun kha a cheuh hna i cuka ah cun an thlam chung cio ah khan khua a sakter hna.

2 SAMUEL 7:10

Cun ka mi Israel mi hna caah hmun pakhat ka tuah lai i anmah hmunte ah cun an um nakhnga le hnahnawh an si ti nakhnga lo, ka phun hna lai;

JOSHUA 21:43

Cu bangin Bawipa nih Israel mi cu an pupa hna sinah pek awkin chiat a sermi ram vialte kha a pek hna. An tei i khika ah um hmun an khuar.

JOSHUA 11:23

Cucaah Bawipa nih Moses sinah a rak chim cangmi vialte bantuk khan Joshua nih ram cu a ning piin a lak i an phun ning cio i phawtning khan Joshua nih Israel mi hna sinah ro caah a pek hna. Cun ram cu ral in aa din.

SALM 105:44

Ramdangmi an rak umnak ram kha a pek hna i an lo kha a coter hna,

JOSHUA 24:12

Cun Amor mi siangpahrang pahnih nan hmai in a ṭhawltu hna khuaingal kha nan hmaiah ka thlah; nan vainam in siseh, nan likuk in siseh a si lo.

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.

JOSHUA 10:11

Cun Israel mi hmai i an zaam i Beth-horon i hung kainak in an va liam lioah khin Bawipa nih Azekah tiang vancung in lung ngan pipi a thlakhnawh hna i an thi; Israel mi nih nam in an thahmi hna nakin rial in a thimi cu an tam deuh.

JOSHUA 3:10

Cun Joshua nih, “Mah hi hin Pathian nung cu nan lakah a um i, amah nih pel lo tein nan hmai in Kanaan mi hna le Hit mi hna le Hiv mi hna le Periz mi hna le Girgash mi hna le Amor mi hna le Jebus mi hna cu a dawi hna lai, ti kha hngal ko u.

DEUTERONOMI 7:1

“Bawipa na Pathian nih, co awkah na va luhnak ram chungah an luhpi tik le nangmah hmai in miphun tampi, Hit mi le Girgash mi le Amor mi le Kanaan mi le Periz mi le Hiv mi le Jebus mi, nanmah nakin a ṭhawng deuh le a ngan deuhmi miphun phun sarih hna cu a ṭhawl hna i,

NAMBAR 13:32

Cuticun an hung ngiatthlaimi ram kong cu a ṭhalo lei in Israel mi hna sinah an chim i, “Ngiatthlai awkah kan hung ṭolmi ram cu a chung i a ummi hna a eitu a si; cun cu ram chung i kan hmuhmi hna cu mi ngan pipi an si.

EXODUS 34:11

Nihin ah kan pek hna laimi nawlbia hi zul hna u. Nan hmai in Amor mi le Kanaan mi le Hit mi le Periz mi le Hiv mi le Jebus mi kha ka ṭhawl hna lai.

EXODUS 23:28

Ka ṭihnunnak kha nan hmaiah ka kalter lai i Hiv mi le Kanaan mi le Hit mi kha a rak dawi dih hna lai.

EXODUS 15:19

Faro rangtum hna cu a rangleng le a mawngtu hna he khan rili chungah an lut i Bawipa nih ti cu a kir ṭhan i a khuh dih hna. Sihmanhsehlaw Israel mi cu rili chung khan vawlei ro cungin an kal.

EXODUS 10:2

Cun cu lawng si loin annih lakah hi khuaruahharmi thil ka tuah tikah zeitindah Izipt mi cu mihrut ah ka ser hna ti kha nan fale le nan fale fachin kha nan chimh hna nakhnga caah a si fawn. Nan dihlak in Bawipa ka si kha nan hngalh lai,” a ti.

DEUTERONOMI 4:38

miphun dangdang nanmah nakin a ngan deuh le a ṭhawng deuh cu, nihin ah a si bang hin, nannih kha luhter awkah le an ram cu ro ca i in pek hna awkah nan hmai in a dawi hna,

DEUTERONOMI 32:7

Hlan lio ni kha hngal ṭhan hna law, Chan tampi kum kha ruat tuah hna. Na pa kha hal law, an hmuhsak lai, Na upa hna zong hal hna law, an in chimh lai.

BIACEIHTU 6:13

Cun Gideon nih anih cu, “Bawipa, kan nawl, Bawipa cu kan sin i a um a si ahcun zeicahdah mah thil vialte nih hin a kan tlunhnawh kun? Kan pupa hna nih, ‘Izipt ram in Bawipa nih a kan chuahpi lo mei,’ ti i kan sin i an ti tawnmi khuaruahhar thil vialte hna cu khuazei ah dah an si kun? Sihmanhsehlaw atu cu Bawipa nih a kan hlonh cang i Midian kut chungah a kan pek cang,” tiah a ti.

2 SAMUEL 23:12

Sihmanhsehlaw cu hmun laifang ah cun dirhmun aa serh i cu hmun cu a runven i Filistin mi cu a thah hna; cun Bawipa nih teinak nganpi a ser.

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

JEREMIAH 32:23

Sihmanhsehlaw hi ram chungah an luh i an co tikah annih nih na nawlbia kha an ngai lo i na cawnpiak hna ningin an nung lo; na fialmi hna kha zeihmanh an tuah duh lo. Cucaah hi ṭhat lonak vialte hi an cungah na tlunter.