SALM 44:19 - Lai (Hakha) Common Language Bible 2006

¹⁹ Asinain sahrang lakah na kan kaltak i a thuk bik muihnak chungah na kan chiahtak ṭhiamṭhiam.

Laibaibal Thiang (BSI)

¹⁹ Asinain nang nih cun sihal hna umnâk ah nakan thlehbauh dih i kan cungah thihnâk kha thla na zârter.

SALM 44:19 Referans Kwoze

SALM 23:4

A thuk bikmi muihnak horkuang chungin kal hmanh ning law, Bawipa, zeihmanh ka ṭih lai lo, zeicahtiah nangmah nih na ka umpi. Na ṭhiangṭhunh le na tanbo nih ka hna an ka ngamter.

JOB 3:5

Muihnak le muih khemkhumnak nih kan ta a si, ti hna seh. Minmei nih zel camcin seh law chunmui nih ṭhih seh.

JEREMIAH 14:17

Cucaah annih na chimh ding hna bia cu mah hihi a si: Chun zan in ka mitthli cu hul loin luang camcin ko seh, Zeicahtiah ka mi hna ngaknu thiang cu kuai cikcek in den a si i fak piin hma a ing.

SALM 51:8

Lunglawmhnak le thanuamnak aw thawng cu ka theihter law na ka khiah i na ka hrilh cang nain ka lung aa lawm ṭhan lai.

BIAPHUAN 16:10

Cun vancungmi panganak nih a kanto cu sahrang bawiṭhutdan cungah khan a bungh. Sahrang pennak ram cungah khan muihnak a tlung ciammam i fahnak an inmi kha a fah tuk caah an lei kha an i seh,

BIAPHUAN 13:2

Ka hmuhmi sahrang cu a mui ah pawlai a lo, a ke cu vom ke bantuk a si i a kaa cu chiandeih kaa bantuk a si. Limkeng nih khan sahrang cu, a ṭhawnnak le a bawi ṭhutdan le a nawlngeihnak a kau ngaingaimi kha a pek.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

MATTHAI 4:16

Muihnak chung i a ummi hna nih khan ceunak nganpi an hmuh lai. Thihnak ram mui chung i a ummi hna cungah ceunak a tlung lai,” a rak timi kha tlinter awk caah a si.

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

ISAIAH 35:7

a kangh in a kangmi thetse kha tidil ah an i cang lai i hmun car kha cerh an khat lai. Ram-ui an rak um tawnnak hmun ah khan cerh ram le phaikung an kho lai.

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

SALM 38:8

Ka tha a dih cikcek i ka ril ko, lungrethei le sivang in ka hram.

JOB 30:29

Ram ui cu ka unau a si ko cang, ostrik va cu ka hawi a si ko cang.

JOB 23:11

A lam kha ka ke nih fek tein an zulh, a lam kha ka zulh i ka pial lo.