SALM 44:15 - Lai (Hakha) Common Language Bible 2006

^15-16 Kan ral hna le a kan huatu hna nih an ka nihsawhnak le an ka zawmhtaihnak ka theihmi ruangah hin, hmaichia in ka um zungzal i ningzahnak nih a ka khuh zungzal.

Laibaibal Thiang (BSI)

¹⁵ Ka ningzahnâk cu ka hmaiah donghcat loin a um i ka ningzahnâk nih ka hmai a khuh dih.

SALM 44:15 Referans Kwoze

SALM 69:7

Nangmah ruangah nihsawhnak ka hmuh hi a si i nangmah ruangah ningzahnak nih a kan khuh hi a si.

JEREMIAH 51:51

Nannih nih, Kannih cu ningzahnak kan phan, Ramdangmi nih biakinn chung hmunthiang kha an lak hna caah hmaichiatnak nih a kan khuh, nan ti.

JEREMIAH 3:25

Ningzak in it ko u sih, kan mualphonak nih khan kan khuh ko seh, Zeicahtiah kanmah le kan pupa hna nih Bawipa kan Pathian cungah khan Hlanpi in atu tiang kan sual i Bawipa kan Pathian kha a bia kan ngai lo,” nan ti.

SALM 89:45

A kum nih a phak hlanah na tarter i hmaichiatnak nih a zual in a zual. Selah

SALM 71:13

A ka dohtu pawl kha sung hna seh law rawk hna seh. Ka cungah fahnak tlunter aa zuammi kha ningzahnak le hmaichiatnak phan hna seh.

EZRA 9:6

“Maw ka Pathian, nangmah lei hoih hi ka ning a zak i ka hmai a sen ko, zeicahtiah kan ṭhat lonak nih kan lu a lonh i kan mawhnak cu van a tawng.

2 CHANRELNAK 32:21

Cun Bawipa nih vancungmi pakhat a thlah i Assiria siangpahrang riahhmun i a ṭhawngmi ralkap hna le haotu hna le bawi vialte hna kha a thah hna. Cucaah hmaichia in amah a ram ah a kir ṭhan. Cun a pathian inn chung i a luh tikah khan amah fapa hna lila nih khan vainam in an thah.

1 SIANGPAHRANG 9:7

khi tikah Israel mi cu ram ka rak pekmi hna chung khan ka hloh hna lai i ka min ca i ka thiantermi inn hi ka mit hmuh phak lo ah ka hlonh lai; cun Israel cu phungthluk bia le nihchuak capo bia ah mi vialte lakah a cang lai.

JOB 17:6

Hi phungthluk bia cu keimah cungah an hman i Mi nih an theih i an ra i ka hmai ah cil an ka chak.

ṬAHNAK HLA 2:15

A kalmi paoh nih khan an kut an in benghhnawh i An in cekcekhnawh i an lu an in thinhnawh, Maw Jerusalem fanu; “Hi khua hi maw, dawhnak ah a tlingmi vawlei cung dihlak lawmhnak, rak timi cu a si?” an ti.