SALM 44:14 - Lai (Hakha) Common Language Bible 2006

¹⁴ Miphun hna lakah zahpi awk thil ah na kan ser; kanmah serhsatnak ah an lu kha an ka thinhnawh.

Laibaibal Thiang (BSI)

¹⁴ Mi phunkip hna kamchia tleuhnâk men ah nakan siter i mi nih anlu ankan thin hnawh.

SALM 44:14 Referans Kwoze

JEREMIAH 24:9

Vawlei cung ram kip ah annih cu tuksapur ah ka ser hna lai, annih cu ka dawi hnanak ram kip ah nihsawh awk le phungthluk bia le zawmhtaih awk le chiatserh awkah ka ser hna lai.

JOB 16:4

Nang le kei hi umhmun aa thleng ding si u si law nangmah bantuk hin kei zong nih ka chim khawh ve ko hnga. Bia cun kan ṭhuat len ko hnga i ka lu zong kan hrilhhnawh len ko hnga.

2 SIANGPAHRANG 19:21

Mah hihi amah kong ah Bawipa nih a chimmi bia cu a si: Maw Sennakherib, nangmah cu Zion fanu nih an zawmhtaih i an nihsawh, Jerusalem fanu nih na hnulei in a lu an thinhnawh.

ISAIAH 37:22

Bawipa nih cun, “Sennakherib, nangmah cu Jerusalem khua nih khan a nih in an nihsawh men ko, capo men ah an saih ko.

SALM 109:25

Mi nih an ka hmuh tikah an ka nihsawh, keimah serhsatnak ah an lu lawng an thing ko.

SALM 22:7

A ka hmumi paoh nih capo ah an ka saih, an lei an ka chakhnawh i an lu an ka thinhnawh.

JOB 17:6

Hi phungthluk bia cu keimah cungah an hman i Mi nih an theih i an ra i ka hmai ah cil an ka chak.

2 CHANRELNAK 7:20

kan pekmi ram hin kan phawi lai i hi inn ka min ca i ka thiantermi hi ka mit hmuh phak lo ah khin ka hlonh lai i mi vialte lakah phungthluk bia le nihchuak capo bia ah ka ser lai.

1 SIANGPAHRANG 9:7

khi tikah Israel mi cu ram ka rak pekmi hna chung khan ka hloh hna lai i ka min ca i ka thiantermi inn hi ka mit hmuh phak lo ah ka hlonh lai; cun Israel cu phungthluk bia le nihchuak capo bia ah mi vialte lakah a cang lai.

DEUTERONOMI 28:37

Cun Bawipa nih an hruai hna lainak mi hna lakah cun nannih cu tuksapur le phungthlukbia le nihchuak capo men ah nan cang lai.

NEHEMIAH 2:17

Annih cu ka thawh hna i, “Zei bantuk harnak chungah dah kan um i zeitindah Jerusalem cu a rawk ningin a um ko i a kutka hna cu an kangh dih ti kha nan hngalh. Kannih nih ningzah hmaichiat kan in ti nakhnga lo, ra u law, Jerusalem kulhnak vampang cu remh hna u sih,” tiah ka ti.

SALM 79:4

Kan pawngkam i a ummi miphun hna nih capo ah an kan saih, an kan nihsawh i an kan zawmhtaih;

SALM 123:3

Maw Bawipa, kan zaangfah ko sawh, kan zaangfah ko sawh; an kan serhsat tuk hringhran!

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.