SALM 44:10 - Lai (Hakha) Common Language Bible 2006

¹⁰ Kan ral hna hmaiah na kan zamter i kan thil kha an i lak.

Laibaibal Thiang (BSI)

¹⁰ Ral hmai ah nakan zâmter i akan huatu hna nih an duhning pauh in ankan rok.

SALM 44:10 Referans Kwoze

JOSHUA 7:8

Maw Bawipa, hi bantukin an ral hna hmaiah Israel mi an zaam tikah hin zeidah ka chim khawh hnga!

LEVITIKAS 26:17

ka hmai kan chiathnawh hna lai i nan ral nih an in tei hna lai; an huami nih an in uk hna lai i ahohmanh nih an in dawi hna lo zongah nan zam lai.

SALM 89:41

Aa chawkmi paoh nih a thil kha an fir i a innpa pawl nih an nihsawh.

JOSHUA 7:12

Cucaah Israel mi nih an ral hna hmaiah an dir kho lo; annih cu hrawh awk thil ah khan an i can caah an ral hna hmaiah an zaam. Nan lak in pekchanhmi thil kha nan hrawh lo ahcun nan sinah ka um ti lai lo.

DEUTERONOMI 28:25

“Bawipa nih nannih cu nan ral hna hmaiah khan an sunghter hna lai; annih doh awkah lam pakhat in nan kal lai i an hmai in lam pasarih in nan zam lai; vawleicung pennak vialte hna mithmuh ah tuksapur nan si lai.

JEREMIAH 20:8

Bia ka chim paoh ah a au in au a hau i Zaang-ennak le rawhralnak a um, tiah thanh a hau. Bawipa, na bia ka chim ruangah serhsat le nihsawh ka si thluangthluan ko.

JEREMIAH 15:13

Bawipa nih a ka thawh i, “Ka mi hna nih ram chung a dihlak ah hin sualnak an tuah caah hi sualnak ruangah hin dan ka tat hna lai, an chawva le an rothil vialte kalpi awkah ral kha ka rak thlahhnawh hna lai.

ISAIAH 10:14

Vawlei cung miphun hna cu va bu bantuk men an si, vate ti hlawm in an chawva cu ka hlawm hna. Ka thin a ka phanter khotu dingah thla a samh ngammi pakhat hmanh an um lo, a ka awnhhnawh ngamtu dingah kaa a ang ngam pakhat hmanh an um lo,” ti in tluang a khawng.

ISAIAH 10:6

Pathian zei ah a rel lomi miphun, ka thin a ka phoktu hna tuk awkah Assiria cu ka thlah. An thil va chuh awk le ramh awk le mi kha khualak lam i nawncek he lamh chih awkah annih cu ka thlah hna,” a ti.

1 SAMUEL 4:17

Cun thawngpang a rak phortu nih cun a leh i, “Israel mi cu Filistin mi hna hmaiah an zam i mi lakah thahnak nganpi a um; na fapa pahnih Hofni le Phinehas zong kha an thi i Pathian kuang kha an tlaih,” tiah a ti.

LEVITIKAS 26:14

“Sihmanhsehlaw ka bia nan ngaih lo i hi nawlbia vialte hi nan tuah hna lo i

NAMBAR 14:42

Hung kal hlah u, nan ral nih a thah lam an in thah sual hna lai, zeitintiah Bawipa cu nan sinah a um lo.

NAMBAR 14:43

Zeitintiah khika ah Amalek mi le Kanaan mi hna cu nan hmaiah an um i vainam in nan tlu lai. Bawipa cu nan kirtak cang caah Bawipa nih nan sinah a um lai lo,” tiah a ti.

DEUTERONOMI 31:17

Cun ka thinhunnak cu khi ni ah an cungah a alh lai i ka hlawt hna lai i ka hmai ka thuhkanh hna lai i, an lotlau dih lai i; ṭhat lonak le harnak tampi nih a tlunh hna lai i cucaah annih nih khi ni ah, ‘Hi ṭhat lonak kan cungah an tlun hi, kan Pathian kan sinah a um lo caah a si lo maw?’ tiah an ti lai.

SALM 60:12

Pathian kan sinah a ṭan caah kan tei hna lai; kan ral cu amah nih a kan teipiak hna lai.

SALM 89:39

Na sal sin i bia na kammi cu na hrawh i a bawiluchin cu leidip lakah na hlonh.

SALM 89:43

A hriamnam cu santlailo ah na ser hna i raltuknak hmun ah na sunghter.