SALM 39:9 - Lai (Hakha) Common Language Bible 2006

⁹ Hi tlukin nganfahnak na ka inter caah dai tein ka um lai i bia pakhat hmanh ka chim lai lo.

Laibaibal Thiang (BSI)

⁹ Nangmah cu a tuahtu na si caah, ka kâ âng loin, dai tein ka um.

SALM 39:9 Referans Kwoze

JOB 2:10

Sihmanhsehlaw amah cu a thawh i, “A hrutmi nu bantukin pei bia na chim cu. Pathian kut in ṭhatnak kan hmuh i ṭhat lonak zong kan hmuh awk a si hnga lo maw?” tiah a ti. Hi thil vialte ah hin Job nih a kaa in sualnak a chim lo.

2 SAMUEL 16:10

Sihmanhsehlaw siangpahrang nih cun a thawh i, “Nannih Zeruiah fapa hna, nannih nan i thlaknak zeidah a um? Bawipa nih amah cu, ‘David kha chiat va serh,’ tiah a ti i chiat a ka serh a si ahcun, ‘Zeicahdah mah cuticun na ti?’ tiah aho nih dah a ti khawh lai?” tiah a ti.

JOB 1:21

Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

SALM 38:13

Hnachet bantuk ka si i khua ka thei kho lo, holh aa bantuk ka si i ka holh kho lo;

1 SAMUEL 3:18

Cucaah Samuel nih zeizong vialte a chimh dih i a sinin zeihmanh a thup lo. Cun anih nih, “Mah cucu Bawipa a si; a ṭha tiah a timi cu tuah ko seh,” tiah a ti.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.