SALM 36:8 - Lai (Hakha) Common Language Bible 2006

⁸ Na inn in a chuakmi rawl kha duhdim tein an ei i na ṭhatnak tiva chung khan ti na pek hna.

Laibaibal Thiang (BSI)

⁸ Na in chungah duhdim tein thilṭha in an i khimter i nâ lomhnâk tiva na dinter tawn hna.

SALM 36:8 Referans Kwoze

SALM 16:11

Nunnak lei kalnak lam cu na ka hmuhsak lai; ka sinah na um caah lawmhnak in ka khat i na ka bawmh caah nuamhnak ka hmu zungzal.

SALM 65:4

Nangmah nih na thimmi hna cu an lung aa lawm, na hmunthiang ah na umtermi hna mi lunglawm an si! Na inn chung i a ummi thil ṭha cu kan khim lai i a thiangmi na biakinn chung thil ṭha cu kan i zaa lai.

ISAIAH 58:11

Cun nannih cu keimah nih lam kan hmuhsak zungzal hna lai i thil ṭha in nan paw kan khimter zungzal hna lai. Ngandam le thazang ṭhawng in kan umter hna lai. Ti tampi a ngeimi dum bantuk nan si lai; a kao bal lomi cerhti bantuk nan si lai.

ISAIAH 25:6

Hi Zion Tlang cungah hin Ralkapbu Pathian nih vawlei cung miphun vialte caah rawl danghnak a timh lai — cu rawl danghnak cu rawl thaw bik le zu thaw bik in a timh lai.

SALM 63:5

Ka nunnak cu rawldangh bantukin aa dang lai i a khim lai, cun nangmah thangṭhat lawmhnak hla kha ka sa lai.

MATTHAI 5:6

Pathian duhnak tuah kha nan duhnak ngan bik i a chiami cu lunglawmmi nan va si dah! Pathian nih nan duhnak cu a tlinter lai.

SALM 46:4

Pathian khua, Cung Nung Bik Pathian inn thiang ah lawmhnak a ratpitu tiva pakhat a um.

ISAIAH 48:21

Bawipa nih a mi cu a lin i a romi thetse ram tan in a rak hruai hna tikah, tihal retheihnak an ing lo; lungpi chungin an caah ti kha a chuahter; lungpi kha a cheu i a chungin ti a luang.

JOB 20:17

Khuaihliti le cawhnuk khal in a luangmi tiva hna cu anih din awk an si lai lo.

JOHAN 7:37

Puai donghnak ni kha a biapi bik ni a si. Cu ni ahcun Jesuh cu a dir i aw thang piin, “A ti a halmi paoh cu ka sinah ra u law ra ding u.

ISAIAH 43:20

Ka thimmi ka mi hna ti pek awk caah ramcar chung i tiva ka luanter hna tikah cun, ramlak saram hmanh nih khan an ka upat lai, ram-ui le ostrik va hmanh nih khan an ka upat lai.

SALM 17:15

Kei tu nih cun ka sual lo caah na hmai kha ka hmuh lai i cun ka hun i hlauh tikah nangmah ka sin i na um caah lunglawmhnak in ka khat lai.

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

ZEKHARIAH 9:17

An rumnak cu zeitluk in a rummi dah a si, an i dawhnak cu zeitluk in aa dawhmi dah a si! Rawl nih tlangval cu an thazang a ṭhawnter hna lai i Mitsur hang thlum nih ngaknu au a ṭhawnter hna lai.

SALM 17:8

A ka dohtu miṭhalo hna sin hin Na mitfang bantukin ka veng law Na thlazung in ka hup tuah. Huatnak in a khatmi ka ral nih khan an ka dum,

SALM 31:20

Mi nih thah an timh hna caah na thlam chungah khan na thuh hna i an ral pawl nih an nihsawh khawh hna nakhnga lo na thla tangah na chiah hna.