SALM 36:6 - Lai (Hakha) Common Language Bible 2006

⁶ Na dinnak cu tlang nganpi bantukin a fek i na biakhiahnak cu rilipi bantukin a thuk. Bawipa, nangmah nih minung le saram cu na zohkhenh hna.

Laibaibal Thiang (BSI)

⁶ Na dinnâk cu a nganmi tlâng bantuk a si i na biaceihnâk cu a thuk ngaimi ti bantuk a si. Maw BAWIPA, minung le saram na kilven tawn.

SALM 36:6 Referans Kwoze

1TIMOTE 4:10

Cu ruangah cun sifahnak kan in le fak piin rian kan ṭuan hi a si. Kannih nih kan i ruahchannak cu mi vialte khamhtu a si i a nungmi Pathian cungah khan kan bunh i cu a nungmi Pathian cu a zummi hna khamhtu kha a si khun.

ROM 11:33

Pathian hi a va rum hringhran dah! A fimnak le a hngalhnak hi an va thuk hringhran dah! Biakhiahnak a tuahmi hi aho nih dah a sullam an purh khawh lai? A thil tining hi aho nih dah an hngalh khawh lai?

SALM 77:19

Rili cungah na ke in na kal, a thukmi rilipi cu na tan, sihmanhsehlaw na ke neh cu hmuh khawh an si lo.

SALM 71:19

Maw Pathian, na dinnak cu van khi a phan. Thil lianngan tampi na tuah hna, nangmah bantuk ahohmanh an um lo.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

SALM 145:9

Aho cung paoh ah a ṭha i a sermi hna an dihlak cungah zaangfahnak a ngei.

SALM 97:2

Khuadawm le muihnak kha a velchum in an um; a pennak cu dinnak le biading cungah a hram a bunh.

SALM 92:5

Maw Bawipa, na tuahmi thil cu zeitluk in dah an ngan! Na ruahnak cu zeitluk in dah a thuk!

ROM 3:25

Jesuh Khrih cu Pathian nih a thi in ngaihthiamnak sertu ah a tinhmi a si i cu ngaihthiamnak cu Jesuh Khrih zumhnak thawngin hmuh ding a si. Pathian nih cu bantukin minung he remnak a tuah cu a dinnak kha langhter a duh caah a si. Cu a langhterning cu hitihin a si: hlan lioah cun a lung a sau caah mi nih an tuahmi sualnak kha i hmuhter duh loin a um;

JONAH 4:11

Cucaah cun hi Nineveh khua, a chung i keh le orh hmanh a hngal rih lomi ngakchia sing khat le sang hnih an umnak le saṭil rel cawk lo an umnak hi, zaangfah loin ka um awk a si hnga maw?” tiah a ti.

ISAIAH 40:28

Nan hngal lo maw? Nan thei lo maw? Bawipa cu zungzal hmunmi Pathian a si i Amah nih vawlei kha a ser dih; zeitikhmanh ah a baa bal lo i a thazang a tlawm bal lo. Ahohmanh nih a lungthin kha an hngal lo.

SALM 147:9

Saram kha rawl a pek hna i lang-ak no nih an awnh tikah rawl a pek hna.

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

JOB 7:20

Ka sual a si ahcun, nang minung lungthin a zohtu, Na cungah zei fahnak dah ka tuah? Zeicahdah keimah cu naa chingchiahmi ah na ka ser? Zeicahdah keimah cu na ca i thilrit ah ka can?

NEHEMIAH 9:6

Nangmah lawnglawng hi Bawipa cu na si; nangmah nih van cu na ser, a sang bik van cu a chung i a ummi thil vialte he na ser hna i vawlei le a cung i a ummi thil vialte zong hi na ser hna i rili le a chung i a ummi thil vialte zong hi na sermi an si dih. An dihlak hin nangmah nih na hmunhter hna i van i a ummi thil vialte nih khin nangmah cu an in biak.

1 SAMUEL 14:15

Cun riahhmun le lo lak le mi vialte lakah khan launak a um ciammam i ralvengtu ralkapbu le ral hranhtu ralkap hna hmanh cu an ther ko; cun vawlei aa hnin i launak nganpi ah a cang.

DEUTERONOMI 32:4

“Lungpi bantukin an hupphengtu a si, A lam vialte cu a dik i a hmaan. Zumhawktlak le hlen hmang lo Pathian a si, Amah cu a ding i a dik.

EXODUS 9:28

Bawipa sinah cun thlacam u; hi khuari le rial hi kan ing kho ti hna lo. Nan kal lai, tiah bia kan kam hna, sau nan hngah a hau ti lai lo,” a ti.

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

DEUTERONOMI 7:9

Cucaah Bawipa nan Pathian cu Pathian a si kha hngal tuah u; amah cu zumhawktlak Pathian, amah a daw i a nawlbia a zulmi hna sinah chan thong khat tiangin bia a kam i a fekmi dawtnak a ngei i,

SALM 31:20

Mi nih thah an timh hna caah na thlam chungah khan na thuh hna i an ral pawl nih an nihsawh khawh hna nakhnga lo na thla tangah na chiah hna.

ṬAHNAK HLA 3:23

Zing fate in an thar lengmang, Zumhtlak a sinak cu a lianngan hringhran.