SALM 34:7 - Lai (Hakha) Common Language Bible 2006

⁷ Bawipa a ṭihmi cu a vancungmi nih khan an zoh hna i ṭihnak chungin an luatter hna.

Laibaibal Thiang (BSI)

⁷ Amah ṭihtu hna cu an pawngah BAWIPA vanmi nih a um hnawh hna i a khamh tawn hna.

SALM 34:7 Referans Kwoze

SALM 91:11

Na kalnak kip i nangmah zohkhenhtu dingah Pathian nih a vancungmi kha a chiah hna lai.

DANIEL 6:22

Ka Pathian nih chiandeih hna cu an kaa phih awkah a vancungmi kha a run thlah hna i cucaah ka cungah zeihmanh ṭhat lonak an tuah lo, zeicahtiah amah nih a ka hmuh ning ah kei cu a sual lomi ka si i cuhleiah maw siangpahrang, nangmah cungah ṭhat lonak zeihmanh ka tuah lo,” tiah a ti.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

2 SIANGPAHRANG 19:35

Cun cu zan ah cun Bawipa vancungmi a kal i Assiria mi riahhmun ah cun sing khat, sang riat le thong nga a va thah hna; cun zingkate i mi nih an thawh tikah, zohhmanh, hi hna cu miruak an rak si dih ko.

2 SIANGPAHRANG 6:17

Cun Elisha nih thla a cam i, “Maw Bawipa, a hmuh khawh nakhnga, a mit hi hun auter ko,” tiah a ti. Cucaah Bawipa nih tlangvalpa mit cu a auter i a hmuh; cun zohhmanh, Elisha velchum ah cun, tlang cu rang le mei rangleng in a khat.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

ZEKHARIAH 9:8

Ka ram cu ka ven lai i a chungin ralkap kha ka kalter hna lai lo, Cun mi hrem hmangmi hna kha ka mi cu hrem ka sianh ti hna lai lo. Ka mi hna nih nganfahnak an in kha ka mit hrimhrim in ka hmuh cang.

LUKA 16:22

Misifakpa cu a thi i vancungmi nih vancung puai tuahnak ah khan an zuanpi i Abraham pawngah khan an ṭhutter. Mirumpa zong cu a thi ve i an vui.

EXODUS 22:22

Nuhmei le ngakṭah kha zawmtai hna hlah u,

EXODUS 22:26

Biakamnak caah tiin a puan kha nan lakpiak ahcun nitlak hlanah nan pek ṭhan lai,

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 138:3

Kan auh tikah na ka leh, na ṭhawnnak in na ka ṭhawnter.

SALM 139:5

Ka hnulei le ka hmailei in na ka cawngh i ka cungah na kut na zar.