SALM 33:2 - Lai (Hakha) Common Language Bible 2006

² Tingtang in Bawipa cu thangṭhat tuah u, hri hra ngeimi tingtang in thangṭhat u.

Laibaibal Thiang (BSI)

² Tingtang he BAWIPA cu thangṭhat ulaw, hri pahra a ngeimi tingtang aw dawhmi tum u.

SALM 33:2 Referans Kwoze

SALM 144:9

Maw Pathian, nangmah cu hla thar in kan thangṭhat lai, tingtang kha kaa tum lai i kan thangṭhat lai.

EXODUS 15:20

Profetnu Miriam, Aaron far nih khan khuang aa lak i nu vialte nih khan a hnu in an zulh i khuang tum pah cun an laam.

BIAPHUAN 14:2

Cun tisor nganpi thawng bantuk le khuari thawng bantuk a simi aw pakhat kha vancung in ka theih. Cu ka theihmi aw cu tingtang tum thiammi nih tingtang in aw dawh an tummi bantuk a si.

BIAPHUAN 5:8

Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.

1 CHANRELNAK 25:6

Annih cu an dihlak in an pa nih a hruai hna i Bawipa inn chung i sumsel le tingtang le thonglawi he tiah Bawipa inn chung i rianṭuannak ah khan awdawh satu an si. Asaf, Jeduthun le Heman tu cu siangpahrang nawl tangah khan an um.

1 CHANRELNAK 25:3

Jeduthun chung cun, Jeduthun fapa hna: Gedaliah, Zeri, Jeshaiah, Shimei, Hashabiah, le Mattithiah, paruk an si, an pa Jeduthun nih a hruai hna i Bawipa lawmhnak le thangṭhatnak ah tingtang he annih nih bia an chim.

1 CHANRELNAK 15:28

Cuticun muko le saki le sumsel aw zulh cun Israel mi vialte nih au pah in Bawipa biakamnak kuang cu an hunpi i hla fak piin an sa i tingtang le thonglawi kha fak piin an tum hna.

1 CHANRELNAK 15:16

David nih Levi mi haotu bik hna kha, nannih nan unaule hna cu hlasatu lunglawmhnak thawng thanter awkah, aw dawh thilri fak piin a tum ding le tingtang le thonglawi le sumsel a tum dingah nan thiah hna lai, tiah a ti hna.

2 SAMUEL 6:5

Cun David le Israel chungkhar vialte cu Bawipa hmaiah an thazang dihlak le hla le tingtang le thonglawi le muko le khuang le sumsel hna he tiah nuamhnak an tuah.

SALM 149:3

Nan lamnak ah khan a min cu thangṭhat u, amah cu khuang le tingtang in thangṭhat u.

SALM 71:22

Tingtang in nangmah cu kan thangṭhat lai, Ka Pathian, zumhawktlak na sinak cu ka thangṭhat lai. Maw Israel Mi Thiang, ka tingtang in nangmah thangṭhatnak hla cu ka sa lai.

SALM 92:4

Bawipa, thil lianngan na tuahmi nih ka lung an ka lawmhter, na tuahmi thil ruangah cun lawmhnak in hla ka sa.