SALM 33:16 - Lai (Hakha) Common Language Bible 2006

¹⁶ Siangpahrang nih a ral a tei hna cu ralkapbu ṭhawngmi a ngeih caah a si lo ralkap nih a ral a tei cu a thazang a ṭhawn caah a si lo.

Laibaibal Thiang (BSI)

¹⁶ Ralkap tampi ngeih ruangah siangpahrang cu khamh a si lai lo, miṭhawng zong a thazâng nih a khamh hlei lai lo.

SALM 33:16 Referans Kwoze

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

2 CHANRELNAK 20:23

Zeitintiah Ammon mi le Moab mi hna nih khan Seir Tlang mi kha an tuk hna i an hloh cikcek hna, cun Seir i a ummi hna cu an thah dih hna hnuah anmah le anmah cu an i nawng dih.

BIACEIHTU 7:2

Bawipa nih Gideon cu a chawnh i, “Keimah nih Midian mi cu an kut chung i pek awkah na sin i a ummi hna kha an tam tuk; Israel nih, ‘Keimah kut hrimhrim nih pei a ka khamh tiah,’ tiin ka cung lam ah aa uangthlar sual hnga.

EXODUS 14:28

Ti cu a kir i Israel mi a dawitu vialte hna, rangleng vialte hna le a mawngtu vialte hna le Faro ralkapbu vialte hna kha a phum dih hna, pakhat hmanh an tang lo.

2 CHANRELNAK 32:21

Cun Bawipa nih vancungmi pakhat a thlah i Assiria siangpahrang riahhmun i a ṭhawngmi ralkap hna le haotu hna le bawi vialte hna kha a thah hna. Cucaah hmaichia in amah a ram ah a kir ṭhan. Cun a pathian inn chung i a luh tikah khan amah fapa hna lila nih khan vainam in an thah.

2 CHANRELNAK 20:12

Maw kan Pathian, an cungah biaceihnak na tuah hnga lo maw? Zeitintiah kannih doh awkah a kan rathnawhtu hi bu nganpi hmaiah hin kannih cu santlailo kan si ko. Zei tuah awk kan hngal lo, sihmanhsehlaw kan mit lawng kha na cungah a um ko,” tiah a ti.

1 SAMUEL 17:4

Cun Filistin mi hna riahhmun cun an mi ṭhawng bik a min Goliath a simi, Gath khuami, a tung dong ruk le khap khat a timi cu a ra chuak.

JOSHUA 14:12

Cucaah Bawipa nih kha ni ah a rak chimmi tlangram cu atu ah hin ka pe tuah, zeitintiah Anak mi hna nih zeitindah khika ah kulhmi khualipi hna he an um kha, kha ni ah khan na rak theih cang. Bawipa nih a chim bang khan Bawipa nih a hei ka umpi hnga i ka hei ṭhawl khawh ko hna hnga dah kaw,” tiah a ti.

1 SIANGPAHRANG 20:10

Benhadad nih a sinah cun a hei thlah hna i, “Cu bangin pathian hna nih ka cungah tuah hna seh law tam deuh zongin tuah hna seh, Samaria khua leidip cu a ka zultu hna caah pei khat cio in a zaat ding a si ahcun,” tiah a ti.

BIACEIHTU 7:4

Cun Bawipa nih Gideon cu, “Mi cu an tam tuk rih; tiva ah vun kalpi hna law, khika ah keimah nih kan hneksakpiak hna lai; nangmah sinah, ‘Hi pa hi na sinah kal seh,’ ka timi paoh na sinah an kal lai; cun ‘Hi pa hi na sinah kal hlah seh,’ ka timi paoh cu an kal lai lo,” tiah a ti.

1 SAMUEL 2:9

“A mithiang hna an ke kha a ven lai; Sihmanhsehlaw miṭhalo cu khuamui lakah hrawh an si lai; Zeitintiah mi nih teinak an hmuhnak cu zaang ṭhawnnak in a si lai lo.

1 SIANGPAHRANG 20:15

Cun peng cheumi uktu bawi hna sinum kha a pumh hna i annih cu za hnih sawm thum pahnih an si; cun annih hnulei ah cun Israel mi vialte cu a pumh hna i thong sarih an si.

2 CHANRELNAK 13:8

“Atu cu mi tampi nan si ca le Jeroboam nih pathian an serpiakmi hna sui cawfa kha nan sinah nan i chiah hna caah nannih nih David fapa hna kut chung i Bawipa pennak cu doh awkah nan ruah.

JOB 36:7

An bawiṭhutdan cung i a ṭhumi siangpahrang hna khi zoh hna hmanh: Pathian nih lianhngannak ṭhawnnak a pek hna tikah an lung a puam.

JOB 39:11

Amah cu a thazang a ṭhawng ko nain naa bochan khawh lai maw? Na rian cu amah kha na rinh khawh lai maw?

SALM 20:8

Annih cu an ril i an tlu lai. sihmanhsehlaw kannih cu kan tho lai i, fek tein kan dir lai.

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

JEREMIAH 48:14

“Moab mi hna, zeitindah nannih nih, Kannih cu ralṭha le ralkap ṭhawng kan si,” nan ti khawh?

HOSEA 10:13

Sihmanhsehlaw nannih nih ṭhat lonak tu kha nan tuh i a theitlai kha nan zun. Nan lih chimmi nih a chuahtermi theitlai kha nan ei cang. Nannih nih nan rangleng hna le nan ralkap hna kha nan i bochan caah,

AMOS 2:14

A khul a rangmi zong kha a zam hmanh ah a him hlei lai lo, A ṭhawngmi zong kha a ṭhawnnak cu san a tlai hlei lai lo; Ralkap zong nih khan amah le amah aa khamh kho hlei lai lo.

AMOS 2:15

Thal kah thiammi kha fek tein a dir kho hlei lai lo, Khulrang in a le khomi zong kha a luat hlei lai lo. Rangcung ralkap zong kha amah le amah aa khamh kho hlei lai lo.