SALM 33:12 - Lai (Hakha) Common Language Bible 2006

¹² An Pathian ah Bawipa a simi miphun cu lunglawmmi miphun an si, Bawipa nih a mi ah a thimmi hna cu lunglawmmi an si.

Laibaibal Thiang (BSI)

¹² BAWIPA kha Pathian ah â ngeih i amah nih ro ca i a thimmi hna cu mithluachuak an si.

SALM 33:12 Referans Kwoze

SALM 144:15

Hi bantukin a ummi miphun cu aa lawmmi miphun an si; an Pathian ah Bawipa a simi hna cu, lunglawmmi an si.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

SALM 65:4

Nangmah nih na thimmi hna cu an lung aa lawm, na hmunthiang ah na umtermi hna mi lunglawm an si! Na inn chung i a ummi thil ṭha cu kan khim lai i a thiangmi na biakinn chung thil ṭha cu kan i zaa lai.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

SALM 135:4

Jakob cu amah minung si awkah amah nih aa thim, Israel mi cu amah mi si awkah amah nih aa thim hna.

JEREMIAH 10:16

Jakob sertu Pathian cu mah hna bantuk hi a si lo, Amah cu zeizong vialte sertu a si i Israel hi amah ca hrimhrim i aa kawhmi miphun a si; Amah a min cu Ralkapbu Bawipa a si.

SALM 28:9

Na mi cu khamh ko hna, Maw Bawipa; nangmah ta a simi cu thluachuah pe ko hna. An tuukhal si law zungzal in veng ko hna.

EXODUS 34:9

Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko,” a ti.

DEUTERONOMI 32:9

Zeitintiah Bawipa vo cu a mi kha an si, Jakob cu amah ro hrimhrim kha a si.

2 SAMUEL 20:19

Keimah hi Israel mi hna lak i daihnak a duhmi le zumhawktlak a simi pakhat ka si ve; nannih nih Israel chung i nu can a simi khua kha hrawh nan i tim; zeicahdah Bawipa ro cu nan dolh lai,” tiah a ti.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.