SALM 33:11 - Lai (Hakha) Common Language Bible 2006

¹¹ Sihmanhsehlaw amah khuakhanmi cu zungzal in a hmun i amah timhmi cu zungzal in a fek.

Laibaibal Thiang (BSI)

¹¹ BAWIPA remruat cu zungzal in a dir i a lungthin in a timhmi hna cu chan vialte caah a si.

SALM 33:11 Referans Kwoze

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

JOB 23:13

Amah cu thlen khawh lo a si i aho nih dah an mer khawh lai? A duhmi cu a tuah ko.

JEREMIAH 29:11

Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai.

ṬAHNAK HLA 3:37

Bawipa nih a thlauhmi thil cu Aho nih dah tuah si seh tiah nawl a pek khawh lai?

ISAIAH 14:24

Ralkapbu Bawipa nih chiatser in, “Siseh tiah ka khanmi cu a si ko lai. Ka tuah lai ka timi cu tuah a si ko lai.

ISAIAH 14:27

Ralkapbu Bawipa nih hi hi tuah aa timh hrimhrimmi a si; dantatnak pek awkah a ban cu aa samh i ahohmanh nih an dawn kho lai lo.

DANIEL 4:37

Atu cu keimah Nebukhadnezzar nih vancung Siangpahrang cu ka thangṭhat, ka hlorh i ka conglawmh, zeicahtiah a tuahmi vialte cu ahmaan dih i a lam vialte cu a ding dih, aa porhlawmi paoh cu tangah a ṭhumh tawn hna.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

SALM 92:5

Maw Bawipa, na tuahmi thil cu zeitluk in dah an ngan! Na ruahnak cu zeitluk in dah a thuk!

MIKAH 4:12

Sihmanhsehlaw annih nih Bawipa ruahnak kha an hngal lo i aa tinhmi zong kha an hngalthiam lo. A ngaingai ti ahcun, annih kha phuhri i faphal pumh bantukin a pumtu hna cu Bawipa kha a si.

LAMKALTU 15:18

Cuticun Bawipa, hlanlio piin thil a rak chimtu nih cun a ti.’

2 SIANGPAHRANG 19:25

“Hlanpi in ka rak ruah cang, tiah na thei lo maw? Atu cu ka tlinter cang. Ralhruang in kulhmi khualipi hna cu rawkmi thilpon ah ser kan onh i,

PHUNGCHIMTU 3:14

Pathian nih a tuahmi paoh cu zungzal in a hmun ti kha ka hngalh; zeihmanh chap khawh an si lo i zeihmanh zuh khawh zong an si lo; minung nih a hmaiah ṭihnak a ngeih nakhnga Pathian nih cu bantuk cun a tuah.