SALM 33:10 - Lai (Hakha) Common Language Bible 2006

¹⁰ Miphun dang nih tuah an i timhmi kha Bawipa nih pakpalawng ah a canter i tling kho loin a umter hna.

Laibaibal Thiang (BSI)

¹⁰ BAWIPA nih miphun hna remruatnâk cu zeihmanhlo ah a canter i mikip remruatmi zong sullam ngei lo ah a canter.

SALM 33:10 Referans Kwoze

SALM 21:11

A cung i ṭhat lonak tuah kha an i tim lai i khua an khang lai, sihmanhsehlaw an khuakhanmi le an timhnak cu an tling kho lai lo.

ISAIAH 44:25

Kut ṭial zohthiam kha mihrut ah ka canter hna i arfi zohthiam nih an chimchungmi kha pakpalawng ah ka canter. Mifim hna fimnak bia cu pakpalawng ah ka ser i an fimnak cu hruhnak a si kha ka langhter.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

2 SAMUEL 15:31

Cun David cu, “Ahithophel kha ralthli khua a khangtu hna lakah Absalom sinah aa tel ve,” tiah an chimh. Cun David nih, “Maw Bawipa, Ahithophel khuaruah thiamnak cu hruhnak ah canter ko sawh, tiah kan nawl,” tiah a ti.

SALM 140:8

Maw Bawipa, miṭhalo cu an duhmi thil kha hmuhter hna hlah; thil ṭhalo an khanmi kha tlinter hlah. Selah

SALM 9:15

Lawkihmi nih khor an cawh i anmah an tla; rap an chiah i anmah an i foih.

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

ISAIAH 19:3

Izipt mi an khuakhannak kha ka tuai lai i an lung ṭhawnnak kha ka zorter lai. An siasal kha, kan bawm u, tiah an ti hna lai; khuavang kha zeitindah kan um lai tiah an hal hna lai i mithi thlarau kha ruahnak kan cheu u tiah an ti hna lai.

ISAIAH 44:23

Nannih van hna, lunglawmhnak in au tuah u, vawlei cung i a thukmi hmun hna, au tuah u. Tlang te tupi chung thing vialte hna, lunglawmhnak in au tuah u. Bawipa nih a mi Israel mi cu a khamh cang hna i cuticun a lianhngannak kha a langhter cang.

2 SAMUEL 17:14

Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.

2 SAMUEL 15:34

Sihmanhsehlaw khua chungah na va kir i Absalom cu, ‘Maw siangpahrang, na sal ka si ko lai; kan hnulei caan ah na pa sal ka si bantuk khan atu cu nangmah sal ka si lai,’ na va ti ahcun, Ahithophel khuakhannak kha na ka teipiak lai.

GENESIS 11:8

Cuticun Bawipa nih vawlei cung khuazakip ah a ṭhek dih hna i khuapi ser cu an ngol.

2 SIANGPAHRANG 6:9

Sihmanhsehlaw Pathian mi nih Israel siangpahrang cu bia a cah i, “Hi hmun hi pal loin i ralring u, zeitintiah Siria mi cu khika ah khin an vung kal lai,” tiah a ti.

NEHEMIAH 4:9

Cun kannih nih kan Pathian sinah thla kan cam i annih sinin a kan vengtu dingah chunzan in ralveng pakhat kan chiah.

JEREMIAH 19:7

Hi hmun ah hin Judah le Jerusalem khuakhannak kha thawl khuai bantukin ka khuai lai. Annih cu an ral hna nih khan an tei hna lai i vainam in an thah hna lai. An ruak cu van i a zuangmi va hna le vawlei i a tlongmi saram hna sinah rawl caah ka pek hna lai.

EZEKIEL 20:32

Nannih nih nan i thawh i, ‘Ram dang miphun cio hna bang si ve u sih law thing le lung kha bia hna u sih,’ tiah nan ti tikah hin, a si kho bal lai lomi thil kha nan ruahmi hi a si.

MALAKHI 1:4

Edom nih, “Kannih cu kan rawk cang, a rawkmi kan inn cu sa ṭhan hna u sih,” tiah a ti tikah, Bawipa bia cu hihi an si: “An sak ṭhan hna ahcun ka ṭheh ṭhan hna lai. Annih cu ṭhat lonak a tamnak ram, Bawipa nih zungzal in chiat a serhmi miphun,” ti an si lai.