SALM 30:11 - Lai (Hakha) Common Language Bible 2006

¹¹ Ka ngaihchiatnak cu lunglawmh lamnak ah na ka thlenpiak cang, ka mithi ngaihnak puan cu na ka lakpiak i lunglawmhnak puan kha na ka pek.

Laibaibal Thiang (BSI)

¹¹ Ka zûnngaihnâk kha lâmnâk ah na thlen, ka buri puan kha naka phoihpiak i lomhnâk puan na ka aihter.

SALM 30:11 Referans Kwoze

JEREMIAH 31:4

Nannih cu kan tunmer ṭhan hna lai. Nan tingtang kha nan i lak ṭhan hna lai i lawmhnak in nan lam ṭhan lai.

ISAIAH 25:8

Bawipa nih thihnak cu zungzal ca in a hrawh lai. Mi vialte cu an mitthli a hnawh hna lai i a miphun nih vawlei cung khuazakip ah zawmhtaihnak an inmi kha a lakpiak hna lai. Hi bia cu Bawipa hrimhrim nih a chimmi bia a si.

PHUNGCHIMTU 3:4

Ṭah caan a um, nih caan a um; ngaihchiat caan a um, lam caan a um;

2 CHANRELNAK 20:12

Maw kan Pathian, an cungah biaceihnak na tuah hnga lo maw? Zeitintiah kannih doh awkah a kan rathnawhtu hi bu nganpi hmaiah hin kannih cu santlailo kan si ko. Zei tuah awk kan hngal lo, sihmanhsehlaw kan mit lawng kha na cungah a um ko,” tiah a ti.

SALM 149:3

Nan lamnak ah khan a min cu thangṭhat u, amah cu khuang le tingtang in thangṭhat u.

SALM 150:4

Khuang le lam in thangṭhat u, tingtang le thonglawi in thangṭhat u!

LUKA 15:22

Sihmanhsehlaw a pa nih khan a sinum kha a auh hna i, ‘Khulrang in puan ṭha bik kha rak pu u law aih u. A kutdong ah kutdonghrolh hrolh u law a ke ah kedan danh u.

SALM 30:5

A thinhun cu caan tawite chung lawng a si; a ṭhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra ṭhan ve.

2 SAMUEL 6:14

Cun David cu Bawipa hmaiah a thazang dihlak in a lam; David cu la hmang ṭhia tlangbawi angki aa hruk.

BIAPHUAN 21:4

An mitthli vialte kha a hnawh dih hna lai. Thihnak a um ti lai lo, ngaihchiatnak le ṭahnak le fahnak zong a um ti lai lo. Thil hlun vialte cu an lo dih cang,” a ti.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

SALM 4:7

Nangmah nih lawmhnak na ka pekmi cu, din awk zu tampi a ngeimi le ei awk rawl tampi a ngeimi hna an i lawmhnak nakin a ngan deuh.

JOHAN 16:20

Biatak kan chimh hna: nannih cu nan ṭap nan ai len lai, sihmanhsehlaw vawlei cu aa lawm lai; nan ngaih a chia lai, sihmanhsehlaw nan ngaihchiatnak cu lunglawmhnak ah a cang te lai.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

2 CHANRELNAK 20:9

‘Kan cungah ṭhat lonak, vainam maw, biaceihnak maw, rai maw, mangṭam maw a tlun ahcun, hi inn hmaiah le nangmah hmaiah hin kan dir lai, zeicahtiah na min cu hi inn chungah hin a um i kannih nih kan harnak chungin nangmah cu kan in auh lai i nang nih na kan theihpiak lai i na kan khamh lai,’ tiah an ti.

ISAIAH 25:3

A ṭhawngmi miphun nih an in thangṭhat lai i a puarmi miphun hna khua ah khan nangmah cu an in ṭih lai.

ESTHER 9:22

zeicahtiah hi ni hna ah hin Judah mi nih an ral hna sinin himnak an hmuh i hi thla hi an caah ngaihchiatnak in lunglawmhnak ah, ṭahnak in dinhnak ni ah aa thlen thla a si; cun nannih nih hi ni hna cu puai tuahnak le lunglawmhnak ni le laksawng ṭhaṭha i kuatnak le sifakmi hna laksawng peknak ni ah nan hman lai tiin nawl a pek hna.

NEHEMIAH 8:10

Cun annih cu a thawh hna i, “Va kal u law, rawl thawthaw kha va ei u law mitsur hang thlumthlum kha va ding u; cun zeihmanh aa ngeih kho ve lomi hna kha va hrawm ve hna u; zeicahtiah nihin hi kan Bawipa caah ni thiang a si. Bawipa ah nan i lawmhnak cu nan thazang a si caah nan ngaihchia hlah u,” tiah a ti.

GENESIS 45:28

Cu tikah aa thawh i, “Ka fapa Josef a nung rih ti ka theih hi a za cang! Ka vung kal lai i ka thih hlanah ka vung hmuhtak lai,” a ti.

GENESIS 37:35

A fapa vialte le a fanu vialte hna nih khan hnemh an i zuam, sihmanhsehlaw an hnemhnak kha duh loin a thawh hna i, “Mithi khua Sheol ah ka fapa zunngai in kal ko ning,” a ti hna.

2 CHANRELNAK 20:3

Khi tikah Jehoshafat cu a thin a phang i Bawipa kawl awk kha aa tim i Judah ram chung vialte ah khan rawl ulhnak a thanh.

SALM 27:7

Bawipa, nangmah kan auh tikah ka bia ka theihpiak tuah, ka zaangfah law kan halnak cu ka let tuah.

JEREMIAH 52:33

Cucaah Jehoiachin nih a thongtla puan kha aa phoih i a chan chung vialte siangpahrang cabuai ah cun ni fate rawl a ei lengmang.