SALM 29:4 - Lai (Hakha) Common Language Bible 2006

⁴ Bawipa aw cu a than khawh chung le a ṭhawn khawh chungin a thang!

Laibaibal Thiang (BSI)

⁴ BAWIPA aw cu a tlingmi ṭhawnnâk a si. BAWIPA aw cu lianhngannâk in a khat.

SALM 29:4 Referans Kwoze

EZEKIEL 10:5

Cherubim hna thla khawn thawng cu lenglei tual tiang khan aa thei kho i Lianngan Bik Pathian nih bia chim seh law cu bantuk cun a thang.

SALM 68:33

Van a citmi, a hlunmi van aa citmi cu thangṭhat u. Aw thang piin a au cu ngai tuah u.

SALM 33:9

Bia a chim i vawlei cu a hung um, nawl a pek i zeizong vialte an hung chuak.

LUKA 4:36

An dihlak in an khuaruah a har i pakhat le pakhat cu, “Hi bia hi zei bantuk bia dah a si? Hi mipa nih hin nawlngeihnak le ṭhawnnak in thlarau ṭhalo kha nawl a pek hna i an chuak ko,” tiah an i ti.

ISAIAH 66:6

Ngai hmanh u! Khua chung i aw thawng cu, Biakinn chung i thawng cu, Bawipa nih a ral dan a tat hnanak thawng a si.

LUKA 8:25

Cun a zultu hna cu a thawh hna i, “Khuazei ah dah nan zumhnak cu a um kun?” tiah a ti. Sihmanhsehlaw annih cu an khuaruah a har i an thin a phang i pakhat le pakhat cu, “Hi pa hi aho hen a si? Thlichia le tilet kha nawl a pek hna i an ngaih ko dahngai,” tiah an i ceih.

SALM 68:34

Pathian ṭhawnnak cu thanh tuah u a lianhngannak cu Israel mi cungah a um, a ṭhawnnak cu van ah khin a um.

SALM 93:4

Bawipa cu vancung ah khin uktu ngan bik a si, rilipi aw thawng nakin a ngan deuh rili tilet nakin a ṭhawng deuh.

ISAIAH 30:30

Bawipa nih mi vialte kha a rumra a ummi a aw kha a theihter hna lai i a thinhunnak hmual kha a hngalhter hna lai. Meizik le ṭotho le rial le a tuk ngaingaimi ruah kha an um lai.

AMOS 1:2

Amah nih cun, Bawipa cu Zion in a rung huk i Jerusalem in khuarit in a rung ri; Tuukhal hna ram hninghno cu an car i Karmel tlangpar cu a ro dih, tiah a ti.