SALM 29:10 - Lai (Hakha) Common Language Bible 2006

¹⁰ Rili thuk pipi kha Bawipa nih a uk hna, siangpahrang bantukin zungzal in a uk hna.

Laibaibal Thiang (BSI)

¹⁰ BAWIPA cu buanchukcho ah khan bawiṭhutdan ah a ṭhu i BAWIPA cu siangpahrang bangin a ṭhu zungzal.

SALM 29:10 Referans Kwoze

SALM 10:16

Bawipa cu zungzal in zungzal tiang siangpahrang a si i a ram chung hin lawkihmi cu an lo lai.

GENESIS 6:17

A nungmi thil vialte hrawhnak ding caah vawlei cungah buanchukcho ka tlunter lai. Vawlei cung i a ummi thil vialte an thi dih lai,

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

MARKA 4:41

Sihmanhsehlaw annih cu an thin a phang tuk hringhran i pakhat le pakhat cu, “Hi pa hi mi zei ko dah a si hnga? Thlitu le tilet hmanh nih dahngai a bia an ngaih ko hi,” an ti.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

SALM 99:1

Bawipa cu siangpahrang a si, mi vialte cu an ther dih; cherubim cung i a bawiṭhutdan cungah khan a ṭhu, vawlei cu aa hnin dih.

SALM 93:1

Bawipa cu siangpahrang a si! Rumra in aa thuam i a tai cu thazang in aa sawmh. Vawlei cu a umnak hmun ah khan fek tein a chiah i a hninh in hninh khawh a si lo.

SALM 65:7

Rili thawng cu na daihter i tilet thawng cu na nemter; mi au thawng cu na daihter.

SALM 29:3

Bawipa aw cu rili cungah a thang, a sunglawimi Pathian cu khuari bantukin a ri i a aw cu rili cungah khan a thang dih.

JOB 38:25

“Aho nih dah ruahpi kha kahcham a cawhpiak i Aho nih dah ṭotho caah khan lam a sial?

SALM 9:8

Dinnak in vawlei kha a uk i biading in mi kha an bia a ceih hna.