SALM 28:2 - Lai (Hakha) Common Language Bible 2006

² Nangmah bawmhhal awkah ka au i na biakinn thiang lei hoih in ka kut ka hler tikah ka aunak kha ka theihpiak tuah.

Laibaibal Thiang (BSI)

² Na sinah ka au i na hmunthiang leiah ka kut ka thlir tikah kan nawlnâk aw hi ka ngaihpiak.

SALM 28:2 Referans Kwoze

SALM 138:2

Na biakinn thiang hmaiah ka kun i na min kha ka thangṭhat, zeicahtiah na dawtnak cu a fek i zumhawktlak na si, nangmah le na nawlbia cu a sang bik nan si kha na langhter.

SALM 141:2

Ka thlacamnak cu zihmui bangin ka cohlanpiak law ka kut ka hlermi cu zanlei raithawinak sa bangin ka cohlanpiak ko.

1TIMOTE 2:8

Pa paohpaoh nih hmun kip ah thlacam hna seh ti ka duh, Pathian sinah i pe in thinhunnak zeihmanh um lo le bia alnak zeihmanh um loin Pathian sinah cun an kut hler hna seh.

SALM 140:6

Bawipa cu ka thawh i, “Nangmah cu ka Pathian na si,” ka ti. Bawipa, nangmah bawmhnak hal in ka aunak cu ka theihpiak ko!

SALM 134:2

Thlacam in a biakinn chungah nan kut hler u law Bawipa cu thangṭhat u.

SALM 5:7

Sihmanhsehlaw kei cu na dawtnak a nganmi thawngin na inn chungah ka ra lut kho; a thiangmi na biakinn chungah nangmah kan bia kho i na hmaiah ka kun kho.

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

ṬAHNAK HLA 2:19

Zan ah tho law fak piin au tuah; Zan ven thawknak kip ah Bawipa hmaiah cun na lung cu ti bangin bung ko. Na fale hna nunnak caah a sinah na kut hler tuah.

SALM 143:6

Nangmah leiah thlacam in ka kut cu ka hler hna; vawlei car nih ti a ngaih bantuk khin ka nunnak nih nangmah cu an ngai.

SALM 125:5

Sihmanhsehlaw anmah lam, lam ṭhalo a zulmi hna cu, miṭhalo dan na tat hna tikah khan, dantat ve ko hna. Israel cungah daihnak um ko seh.

SALM 63:4

Ka nun chung paohpaoh cu kan lawmh lai; nangmah leiah ka kut ka hler lai i thla ka cam lai.

2 CHANRELNAK 6:13

Solomon nih dar in donhhlei pakhat, dong nga a sau, dong nga a kau i dong thum a sangmi kha tual ah khan a chiah i a cungah cun a dir. Cun Israel mi aa pummi vialte hna hmaiah cun a khuk aa bil i van leiah a kut a phar hna;

1 SIANGPAHRANG 8:38

Israel mi nih an dihlak in siseh, ahopaoh nih siseh, zei bantuk thlacamnak zong si ko seh, zei bantuk nawlnak zong si ko seh, an tuah i an lung chung cio in hremnak an inmi kha an hngalh i hi inn leiah hin an kut an zau hna ahcun,

1 SIANGPAHRANG 6:19

Bawipa biakamnak kuang chiahnak caah khan inn chung i a chung bik hmun ah chungchin hmunthiang kha a timh.

1 SIANGPAHRANG 6:5

Cun inn vampang hrul cun inn pakhat a sak fawn i cu nih cun inn vampang cu a kulh dih; ṭuangpi le chungchin hmunthiang zong kha a kulh chih hna; cun a velchum in dal tete a ser hna.a

SALM 130:2

Ka aunak cu ka theihpiak law bawmh kan halnak cu ka ngaihpiak ko!

SALM 141:1

Maw Bawipa, nangmah kha kan auh, khulrang in ka bawm tuah! Nangmah kan auhnak ka aw hi ka ngaihpiak ko.

DANIEL 6:11

A ral hna nih khan Daniel cu an tlaih khawh nakhnga caan rem cu an bawh i thla a cam i Pathian sinah nawlnak a tuah lio cu an hmuh.