SALM 27:11 - Lai (Hakha) Common Language Bible 2006

¹¹ Maw Bawipa, ka ral an um caah hin, a himmi lam in ka kalpi law na duhnak kha ka cawnpiak ko.

Laibaibal Thiang (BSI)

¹¹ Maw BAWIPA, na lam kha ka cawnpiak, ka ral hna ruangah hin lam ṭha ah ka hruai ko.

SALM 27:11 Referans Kwoze

SALM 5:8

Bawipa, ral tampi ka ngei, na duhnak tuah awkah ka hruai law na lam cu ka zulh khawh nakhnga ka hmaiah na lam cu pheiter ko.

SALM 86:11

Bawipa, tuah seh ti na ka duhmi kha ka cawnpiak law na nawl kha fel tein ka zulh lai; ka lungthin a dih umnak in na rian ka ṭuan nakhnga ka cawnpiak ko.

SALM 26:12

Him tein hmun rawn ah ka dir i zapi pumhnak ah Bawipa cu ka thangṭhat!

SALM 119:10

Ka lungthin a dih umnak in na rian ṭuan kha kaa zuam; na nawlbia kha zul loin ka umnak hnga lo ka bawm.

SALM 64:6

Ṭhatlo tuahnak ding khua cu an khan i “Ṭhatlo tuahnak ding khua kan khanmi cu a ṭha tuk,” an ti. Minung lungthin le ruahnak hi khuaruahharmi thil thuk a si hrimhrim ko.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

SALM 25:9

Mi toi i aa dormi kha lamding in a hruai hna i a duhnak kha a cawnpiak hna.

LUKA 20:20

Cucaah caan rem tu kha an bawh i mi ngiatu an thlah hna. “Zumh awktlakmi bantukin nan i umter lai i bia nan hal lai. A bia kha tlaih nan i zuam lai i cu a bia cu nawlngeitu mangki bawi sin i phakpinak ding ca i sonhtarhnak ah kan hman lai,” an ti hna.

PHUNGTHLÛKBIA 8:9

A hngalthiammi caah cun biading an si dih i hngalhnak a ngeimi caah cun ahmaanmi bia an si.

SALM 25:12

Bawipa nawl a zulmi nih an zulh awk hnga lam kha an hngalh lai.

PHUNGTHLÛKBIA 15:19

Mithathu lam cu hling nih a buathnawh, sihmanhsehlaw teimami lam cu lampheipi a si.

SALM 54:5

Pathian nih ka ral cu anmah ṭhat lonak lila khan dantat ko hna seh! Amah cu zumhawktlak a si caah a hrawh hna lai.

SALM 5:9

Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si.

SALM 139:24

Ka chungah hlenthawinak a um sual hnga maw? a um sual ahcun ka hmuhpiak law zungzal hmunmi lam ah khan ka hruai ko.