SALM 26:10 - Lai (Hakha) Common Language Bible 2006

¹⁰ annih cu ṭhat lonak kha zungzal in a tuah i nawhthuh pek aa tim zungzalmi an si.

Laibaibal Thiang (BSI)

¹⁰ An kut hna cu Ṭhatlonâk tuahnâk a si i an orhlei kut cu ziknawhnâk in a khat.

SALM 26:10 Referans Kwoze

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

SALM 52:2

Midang hrawhnak ding caah khua na khang lengmang, na lei cu a harmi nam bantuk a si, lih lawng kha na chim ṭualmal ko.

1 SAMUEL 8:3

Asinain, a fapa hna cu amah lam kha an zul lo, miaknak tu kha an merhnawh. Nawhthuh kha an lak i biading kha an merh.

EXODUS 23:8

Nawhthuh la hrimhrim hlah u, zeicahtiah nawhthuh nih cun bawi kha an mit a cawtter hna i a sual lomi hna bia kha pakpalawng ah a canter.

LAMKALTU 23:12

A thaizing ah Judah mi a cheukhat kha hmunkhat ah an i tong i khua an khang. Paul kan thah hlanah cun rawl zong kan ei lai lo, ti zong kan ding lai lo, tiah biakamnak an tuah.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

AMOS 5:12

Zeicahtiah nan ṭhat lonak kha zeitluk in dah a tam i Nan sualnak kha zeitluk in dah a tam ti cu ka hngalh ko. Nannih nih a sual lomi kha nan hrem hna i Tlanhnak man caah mi kha nan hren hna; Zeihmanh a ngei lomi cu biaceihnak zung khan nan ṭhawl hna.

ISAIAH 33:15

A dingmi thil kha na chim i na tuah ahcun na celh ko lai. Na lianhngannak cu misifak hlennak ah khan hmang hlah law ziknawh kha la hlah. Lainawnnak tuah awk le thil dang a ṭha lomi tuah awkah khua a khangmi kha kom hna hlah.

PHUNGTHLÛKBIA 4:16

Zeicahtiah annih cu thil sual pakhat tal an tuah lo ahcun an it kho lo i mi pakhat tal an tlukrilhter hna lo ahcun an i hngilh kho lo.

PHUNGTHLÛKBIA 1:16

Zeicahtiah an ke cu ṭhat lonak leiah a tlik in an tli i Thisen chuah awkah a nam in an i nam.

SALM 36:4

Ihkhun cung i a zau lio hmanh ah thil ṭha lo lawng kha a tuak, a tuahmi kha thil ṭha a um lo i thil ṭha lo kha a hua hna lo.

SALM 11:2

zeicahtiah miṭhalo nih an likuk kha an i hruai i muihnak i a ummi miṭha kha kah awkah an cantiang cu an i tinh.

SALM 10:14

Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.