SALM 25:7 - Lai (Hakha) Common Language Bible 2006

⁷ Ka tlanval lio ka sualnak le ka palhnak kha ka ngaithiam ko hna. A fekmi na dawtnak le na ṭhatnak ruangah keimah cu ka philh hlah, Maw Bawipa.

Laibaibal Thiang (BSI)

⁷ Ka nolio sualnâk hna le ka nawlbuarnâk hna kha ka theihpiak sawh hlah, zeitintiah na vêl le ṭhatnâk thawngin maw BAWIPA, ka philh sawh hlah.

SALM 25:7 Referans Kwoze

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

ISAIAH 38:17

Ka chungvanghnak cu daihnak ah a cang lai. Nangmah nih ka nunnak cu ṭihnung chungin na khamh, ka sualnak vialte kha na ka ngaihthiam.

JOB 13:26

Nangmah nih ka dantatnak ding cu na ṭial hna i Ka tlanval lio ka ṭhat lonak rocotu ah khan na ka ser.

JEREMIAH 3:25

Ningzak in it ko u sih, kan mualphonak nih khan kan khuh ko seh, Zeicahtiah kanmah le kan pupa hna nih Bawipa kan Pathian cungah khan Hlanpi in atu tiang kan sual i Bawipa kan Pathian kha a bia kan ngai lo,” nan ti.

SALM 51:1

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

HEBRU 8:12

An palhnak cu ka zaangfah hna lai i an sualnak cu ka hngal camcin ti lai lo,” tiah a ti.

SALM 109:26

Maw Bawipa ka Pathian, ka bawm tuah; a fekmi na dawtnak ruangah ka khamh tuah.

SALM 79:8

Kan pupa hna nih sualnak an tuahmi ruangah cun kannih cu dan kan tat hlah, ruahchan awk zeihmanh kan ngeih ti lo caah zaangfahnak tu kan cungah ngei ko.

SALM 31:16

Kei cu na sal ka si, ka cungah zaangfahnak ngei ko; a fekmi na dawtnak ruangah ka khamh tuah!

SALM 6:4

Maw Bawipa, ka khamh tuah; na ka dawt caah thihnak chungin ka khamh tuah.

JOB 20:11

A ruh cu tlangval ṭhawnnak in a khat ko, Sihmanhsehlaw leidip ah a cang zau lai.

JOHAN 5:14

A hnuah khin Jesuh nih cu pa cu biakinn ah khan a hmuh i, “Zohhmanh, atu cu na dam cang. Na sualnak kha ngol hna, cu lo ahcun hi nak ṭhalo deuh nih an tlak sual lai,” tiah a ti.

JOHAN 5:5

Cuka ah cun mipa pakhat, a zawtnak kum sawm thum le kum riat a si cangmi a um.

ISAIAH 64:9

cucaah cun kan cungah fak tuk in na thinhung hlah, kan sualnak zong zungzal in i cinken sawh hlah. Kannih cu na mi kan si, kan zaangfah ko sawh.

SALM 119:124

A fekmi na dawtnak ningin ka cungah ṭuan law na nawlbia cu hung ka cawnpiak ko hna.

SALM 109:16

Cu pa nih cun mi zaangfah ruam hi a ruah in a ruat bal lo; sifak, rethei le santlailo mi kha a hrem hna i a thah hna.

SALM 109:14

Bawipa nih a pupa hna sualnak kha philh hlah seh law a nu sualnak kha ngaithiam hlah seh.

SALM 106:3

Amah nawl a zulmi cu mi lunglawm an si, a dingmi thil a tuahmi cu mi lunglawm an si!

SALM 106:4

Na mi hna na bawmh hna tikah ka philh hlah, Maw Bawipa, na khamh hna tikah kei zong ka telh ve.

ISAIAH 48:11

Thil ka tuahmi hi keimah ca lawnglawng ah a si ko, ka min kha chiatter ka duh lo, cun keimah ta lawnglawng a simi sunparnak kha midang he i hrawm zong ka duh fawn lo,” a ti.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.