SALM 25:6 - Lai (Hakha) Common Language Bible 2006

⁶ Maw Bawipa, hlan piin ka cungah na rak langhter tawnmi na dawtnak fek le na zaangfahnak cu philh hna hlah.

Laibaibal Thiang (BSI)

⁶ Maw BAWIPA, na duhdawtnâk le duh a nungmi na vêl kha philh hna hlah, zeitintiah hlanlio pi khan an rak um cang.

SALM 25:6 Referans Kwoze

KOLOSE 3:12

Nannih cu Pathian mi nan si; amah nih an dawt hna i an thim hna. Cucaah mi zawnruahnak, zaangfahnak, toidornak, nemnak le lungsaunak kha nan i aih awk a si.

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

LUKA 1:50

Amah a ṭihmi vialte kha chan khat hnu chan khat in a zaangfah hna.

LUKA 1:78

Zeicahtiah, kan Pathian cu zaangfah thiammi le minunnem a si: Khamhnak khuaceu ṭha cu kan cungah a tlunter lai i

2 KORIN 1:3

Kan Bawipa Jesuh Khrih i a Pa le a Pathian, zaangfahnak in a khatmi kan Pa, zeizong vialte ah a kan bawmtu Pathian cu lawm u sih!

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

ISAIAH 63:15

Na sunparnak le na thiannak he na umnak hmun van khin run kan zoh tuah, Bawipa. Kan zawn na kan ruahnak kha khuazei ah dah a si? Na ṭhawnnak kha khuazei ah dah a um? Na kan dawtnak le na kan zaangfahnak kha khuazei ah dah an um? Kan hrelh sawh hlah.

SALM 98:3

Israel mi bia a kamhmi hna kha a zulh i an cungah a fekmi dawtnak a ngei i zumhawktlak in a um. Kan Pathian nih ral a teinak kha mi vialte nih khuazakip ah an hmuh.

1JOHAN 3:17

Mipa pakhat cu mirum a si nain a unau herhbaunak kha a hmuh tikah a lung innka a khar ahcun, zeitindah Pathian ka dawt tiah a ti khawh lai?

FILIPI 1:8

Khrih Jesuh lungthin chungin a chuakmi ngaihnak in kan ngai hna, hi ti ka ti tikah hin ka lih a si lo ti cu Pathian nih a hngalh.

LUKA 1:54

Kan pupa hna sinah a rak sermi biakamnak kha a zulh hna; A sal Israel kha bawmh awkah a ra i

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

SALM 119:77

Na phunglam kha kaa lawmhnak a si caah ka cungah zaangfahnak ngei law ka nung lai.

SALM 107:1

Bawipa cu lawm tuah u, zeicahtiah amah cu a ṭha. a fekmi a dawtnak cu zungzal in a hmun.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

SALM 106:1

Bawipa cu thangṭhat ko u! Bawipa sinah lawmhnak bia chim tuah u, zeicahtiah amah cu a ṭha, a dawtnak cu zungzal in a hmun.

SALM 103:4

thlan chungin a ka khamh i dawtnak le zaangfahnak he thluachuah a ka pek;

SALM 69:16

Maw Bawipa, a fekmi na dawtnak ṭhatnak thawngin ka thlacamnak cu ka let law, zawnruahnak ngan na ngeihmi thawngin keimah leiah i mer ko.

SALM 69:13

Asinain kei cu na sinah thla ka cam ko lai, Maw Bawipa; a nganmi na dawtnak ruangah ka let law, kan khamh lai tiah na ka kammi ruangah ka let ko sawh, na duh tik caan ah nangmah nih ka let ko, Maw Pathian.

SALM 40:11

Bawipa, ka cungah na zaangfahnak a dong lai lo ti kha ka hngalh. Na dawtnak le zumhawktlak na sinak nih him tein an ka umter zungzal lai.

NEHEMIAH 9:19

na zaangfahnak a ngan ruangah ramlak ah khan na hlaw ta hna lo; lam a hruaitu hna minmei tung nih khan chun ah a kaltak hna lo i annih kalnak ding lam a ceuhtu mei alh tung nih khan zan ah a kaltak hna lo.

2 CHANRELNAK 6:42

Maw Bawipa Pathian, na chiti thuhmi cu hlaw hlah! Na sal David ca i a fekmi na dawtnak kha philh hlah,” tiah a ti.

EXODUS 34:6

Bawipa cu a hmaika cun a lan i, “Bawipa cu zaangfahnak le vel ngeihnak in a khatmi Pathian a si, amah cu fawi tein a thin hunter khawh lomi, a fekmi dawtnak tampi mi cungah a langhter i mi cungah zumhawktlak ngaingai a simi Pathian cu a si.

EXODUS 15:13

Bia na kamhmi hna bantukte khan, na tlanhmi hna cu na hruai hna i na ṭhawnnak in lam na ṭhit hna i na inn thiang na phakpi hna.

GENESIS 32:9

Cun Jakob nih khan thla a cam i, “Ka pu Abraham Pathian le ka pa Isak Pathian, ka thlacamnak hi ka theihpiak tuah. Bawipa, nangmah nih na ka thawh i, ‘Na ram le na rualchan hna sinah kir law na caah thil cu tluang tein ka umter ko hna lai; na ka ti.

GENESIS 24:27

Cun aa thawh i, “Ka bawipa Abraham i a Pathian, ka bawipa sin i a biakam let lo tein a ummi cu thangṭhat si ko seh. Bawipa nih ka bawipa i a unau inn ah ding tein a ka hruai ko,” tiah a ti.

FILIPI 2:1

Khrih chung i nan nunnak nih khan an ṭhawnter hna maw? A dawtnak nih khan nan hna an ngamter hna maw? Thlarau he hawikomhnak nan ngei maw? Pakhat le pakhat nan i daw in nan i zaangfah maw?

NEHEMIAH 13:22

Cun sabbath ni kha thiang tein umter awkah Levi mi hna kha, nan i thianh lai i nan ra lai i kutka kha nan cawngh hna lai, tiah nawl ka pek hna. Keimah ca ṭhatnak ding caah hi zong hi hngal camcin ko law, maw Pathian, a fekmi na dawtnak a ngan ningin ka zuah ko sawh.

DANIEL 9:18

Maw Pathian, na hna chi law kan theihpiak law kan zohpiak law kan ṭiaonak le na min a pumi khua cu kan hmuhpiak ko sawh; kannih nih dinnak kan tuahmi thawngin si hin loin nangmah na vel thawng lawngin kan thlacamnak na hmai i kan rak chuahpinak cu a si.

HABAKKUK 3:2

Maw Bawipa, na thil tuahmi kha ka rak theih hna; Maw Bawipa, na rianṭuanmi kha ka rak hmuh. Hi kum vialte hna chungah hin nangmah cu naa langhter i Na thinhunnak chung zongah zaangfahnak kha na philh lo.