SALM 25:5 - Lai (Hakha) Common Language Bible 2006

⁵ Nangmah cu ka khamhtu na si caah na biatak ningin nun cu ka cawnpiak tuah. Chun nitlak in nangmah kha kan bochan.

Laibaibal Thiang (BSI)

⁵ Na biatak ah ka hruai law ka cawnpiak, zeitintiah nangmah cu ka khamhnâk Pathian na si; nitlâk tein nangmah kha kan hngah.

SALM 25:5 Referans Kwoze

PHUNGTHLÛKBIA 8:34

Ka bia kha a ngai i ka kutka ah nifa a um i ka innka pawngin a ka hngakmi cu milunglawm an si.

SALM 25:10

A biakam le nawlbia a zulmi vialte cu, dawtnak in a hruai hna i zumhawktlak tein a kalpi hna.

ISAIAH 30:18

Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si.

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.

JOHAN 14:26

sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai.

JOHAN 16:13

Asinain biatak phuangtu Thlarau cu a rat tikah biatak chungah cun an luhpi hna lai. ‘Keimah nawl a si,’ tiin zeihmanh a chim lai lo, a theihmi le a ra lai ding thil kong tu kha an chimh hna lai.

SALM 88:1

Bawipa Pathian, ka khamhtu, chun nitlak in ka au i zan ah na hmaika ah ka ra.

SALM 79:9

Na min upatnak ding caah kan bawm tuah, Maw Pathian kan Khamhtu; kan chuah law kan sualnak cu kan ngaithiam ko.

NEHEMIAH 9:20

Annih cawnpiaknak caah na thlarau ṭha kha na pek hna i na manna kha sianh loin na um hna lo i an tihal a riamh nakhnga ti kha na pek hna.

1JOHAN 2:27

Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

ROM 8:14

Pathian Thlarau nih a hruaimi hna cu Pathian fale an si.

LUKA 18:7

Pathian nih tah amah a mi hna chunzan hlan in a sinah bawmh hal awkah a au lengmangmi hna cu thiamcoh loin maw a um hna hnga? Anmah bawmh awkah cun a khul a nuar ko hnga maw?

ISAIAH 49:10

zeitikhmanh ah an ti a hal lai lo i an rawl a ṭam lai lo. Ni lin le thetse lin nih retheihnak a pe hna lai lo, zeicahtiah annih cu anmah a dawtu hna nih khan a hruai hna lai. Cerhti umnak hmun ah khan a hruai hna lai.

SALM 119:66

Na nawlbia kha kaa bochan hna caah fimnak le hngalhnak ka pe ko.

SALM 107:7

A hruai hna i an umnak ding khua ah khan a kalpi hna.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

JEREMIAH 31:9

Inn ah an ra tlung, an tlun pah in an ṭap, Sihmanhsehlaw ka hnemh hna lai i keimah cu a cawngtu hna ka si lai. A luangmi tiva ah ka hruai hna lai; An lam kha a mil tuk caah an tlu an ril lai lo. Zeicahtiah keimah cu Israel mi caah an pa ka si cang i Efraim cu ka fapa upa bik a si.

ISAIAH 54:13

“Keimah hrimhrim nih na mi cu ka cawnpiak hna lai i ṭhanchonak le daihnak ka pek hna lai.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

PHUNGTHLÛKBIA 23:17

Misual kha tluk i zuam hna hlah, nifate in Bawipa a ṭihmi bel kha hngar ko hna;

SALM 119:97

Zeitluk in dah na phunglam cu ka duh, chun nitlak cu lawng cu ka ruat ko.

JOHAN 6:45

Profet nih pei, ‘Mi vialte kha Pathian nih a cawnpiak hna lai,’ tiah an ṭial kha. Ka Pa aw kha a thei i amah zia a cawngmi paoh cu ka sinah an ra.

SALM 86:3

Nang cu ka Pathian na si caah ka cungah zaangfahnak ngei ko, Maw Bawipa; chun nitlak in na sinah thla ka cam.

SALM 24:5

Bawipa nih thluachuah a pek hna lai i annih a khamhtu hna Pathian nih, nan sual lo, a ti hna lai.

SALM 22:2

Chun ah nangmah cu kan auh, maw ka Pathian, sihmanhsehlaw na ka let lo; zan zongah kan auh, sihmanhsehlaw dinh ka hmu kho hlei lo.

SALM 119:33

Na phunglam an sullam kha ka cawnpiak hna law zeitikhmanh ah ka zulh zungzal hna lai.

SALM 119:26

Ka tuahmi vialte kha na sinah ka phuan dih i na ka leh; na nawlbia kha ka cawnpiak tuah hna.

JOB 36:22

Pathian cu kan cungah lianhnak in a um ko, Amah bantukin ahodah a nganmi ṭhawnnak a ngei?

SALM 68:20

Kan Pathian cu mi a khamhtu Pathian a si, amah cu Bawipa kan Bawipa, thihnak chungin a kan chuahtu a si.

SALM 25:8

Bawipa cu a ding i a ṭha: misual mi kha an zulh awk a simi lam cu a cawnpiak hna.

GENESIS 49:18

“Maw Bawipa na khamhnak cu ka hngak ko.

MIKAH 7:7

Sihmanhsehlaw kei cu Bawipa kha ka kawl lai, Ka khamhtu Pathian cu ka hngah lai, Ka Pathian nih cun a ka theih lai.