SALM 25:12 - Lai (Hakha) Common Language Bible 2006

¹² Bawipa nawl a zulmi nih an zulh awk hnga lam kha an hngalh lai.

Laibaibal Thiang (BSI)

¹² BAWIPA a ṭhzahtu minung cu ahodah a si? cubantuk minung cu a thimmi lam zulh kha a cawnpiak lai.

SALM 25:12 Referans Kwoze

SALM 37:23

Minung hi a kalnak ding lam a hmuhsaktu cu Bawipa a si, Amah duhnak a tuahmi cu a huhphenh hna.

SALM 32:8

Bawipa nih, “Na zulh awk hnga lam kha kan hmuhsak lai, kan cawnpiak lai i lungthin kan cheuh lai.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

PHUNGCHIMTU 12:13

Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

ISAIAH 50:10

Nannih Bawipa a ṭih mi vialte hna, a sal bia a ngaimi vialte hna, nan kalnak lam cu mui ko hmanh seh law Bawipa cu i bochan u law i hngatchan ko u.

PHUNGTHLÛKBIA 1:7

Bawipa ṭih hi hngalhnak hramthawknak a si; Sihmanhsehlaw mihrut nih cun fimnak le cawnpiaknak kha zei ah an rel lo.

PHUNGTHLÛKBIA 16:6

Pathian leiah felte le zumhawktlak tein um ko law na sualnak cu an ngaihthiam lai. Cun Bawipa kha ṭih law ṭhat lonak nih an tlunhnawh lai lo.

PHUNGTHLÛKBIA 15:33

Bawipa ṭih hi fimnak ding caah cawnpiaknak a si, upatnak phaknak lam cu toidornak a si.

LAMKALTU 10:22

Annih nih cun an leh i, “Kepṭen Kornelias nih a kan thlahmi kan si. Amah cu miṭha le Pathian a biami a si i Judah mi vialte nih an hmaizah ngaingaimi a si. Amah nih cun na bia kha a theih ve nakhnga Pathian vancungmi pakhat nih nangmah cu a inn rat va sawm awkah amah cu a chimh,” tiah an ti.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

PHUNGTHLÛKBIA 2:5

khi tikah Bawipa ṭihnak cu na hngalh lai i Pathian hngalhnak cu na hmuh lai.

LAMKALTU 13:26

“Ka u le ka nau hna, Abraham tefa hna le hika i a ummi Jentail mi vialte, Pathian a biami hna: hi khamhnak bia hi kanmah hi pei pek kan si cu.

LAMKALTU 11:14

Amah nih cun bia an chimh hna lai i cu bia thawng cun khamhnak nan hmuh lai,’ tiah a chimtu a hmuhnak kha a kan chimh.

LAMKALTU 10:2

Amah cu biaknak leiah aa zuam ngaingaimipa a si i amah le a innchungkhar nih khan an dihlak in Pathian kha an biak. Amah nih khan Judah mi hna lak i misifak hna kha siang ngaiin a bawmh hna i Pathian sinah thla zong a cam zungzal.

1JOHAN 2:27

Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

GENESIS 26:2

Bawipa cu Isak sinah khan a lang i, “Izipt ram ah cun vung kal hlah, um kan tinak ram tu ah um ko.

EXODUS 4:15

Amah kha chim ding cu na chimh lai. Nan pahnih in chim awk kha kan bawmh hna lai i nan pahnih in nan tuah awk kha kan chimh hna lai.

JOSHUA 3:4

zeitintiah hi leiah cu hlan cu nan kal bal lo caah nan kalnak ding lam cu an hmuhsak hna a hau lai. Asinain nanmah le a karlak cu dong thong hnih tluk in aa hlat lai; nan naih lai lo,” tiah nawl an pek hna.

1 SAMUEL 9:6

Sihmanhsehlaw anih nih amah cu, “Zohhmanh, hi khua chungah hin Pathian mi pakhat a um i amah cu an hmaizah ngaimi a si; a chimmi vialte kha a tling dih ko. Khika ah va kal u sih; kan pawhhnawhmi kan khual tlawnnak kong hi a hei kan chimh khawh ko hnga dah kaw,” tiah a ti.

PHUNGTHLÛKBIA 2:9

Khi tikah dinnak le biading cu na hngalh lai i miṭha mi hna lam kha na zulh lai;