SALM 25:10 - Lai (Hakha) Common Language Bible 2006

¹⁰ A biakam le nawlbia a zulmi vialte cu, dawtnak in a hruai hna i zumhawktlak tein a kalpi hna.

Laibaibal Thiang (BSI)

¹⁰ A biakam le hngalhternâk a zulmi hna caah BAWIPA lamthluan vialte hi vêl le biatak an si.

SALM 25:10 Referans Kwoze

JEIM 5:11

Annih nih an in khawh cah, lunglawmmi kan ti hna. Job lungsaunak kha nan theih i Pathian nih a donghnak ah a pek ṭhannak kong kha nan theih. Bawipa cu zaangfahnak le zawnruahnak in a khatmi a si.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

SALM 40:11

Bawipa, ka cungah na zaangfahnak a dong lai lo ti kha ka hngalh. Na dawtnak le zumhawktlak na sinak nih him tein an ka umter zungzal lai.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

SALM 91:14

Pathian nih, “A ka dawmi cu ka khamh hna lai i a ka hngalmi cu ka huhphenh hna lai.

ROM 2:13

Zeicahtiah cun minung cu Pathian he remter a sinak cu Nawlbia theih thawngin si loin Nawlbia nih tuah u a timi tuah thawngin a si.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

LAMKALTU 10:35

Mi zei miphun chungmi hmanh a si ah, amah a ṭihmi paoh le dinnak a tuahmi paoh cu a cohlan hna.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

ZEFANIAH 2:3

Ram chungah toidor tein a phung kha a zul i khua a sami vialte hna, Bawipa cu kawl tuah u; Dinnak cu kawl u, toidornak lungthin cu kawl u; Bawipa thinhun ni ah cun dornak nan hmu kho lai lo dahkaw.

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

SALM 98:3

Israel mi bia a kamhmi hna kha a zulh i an cungah a fekmi dawtnak a ngei i zumhawktlak in a um. Kan Pathian nih ral a teinak kha mi vialte nih khuazakip ah an hmuh.

SALM 89:14

Na pennak cu dinnak le biading cungah a hram bunh a si, na tuahmi thil kip chungah hin dawtnak le zumhawktlak sinak an um.

SALM 85:10

Dawtnak le zumhawktlak sinak cu an ra ṭi lai; dinnak le daihnak cu an i tong lai.

SALM 57:3

Vancung khin a run ka leh lai i a ka khamh lai; a ka dohtu kha a sunghter hna lai. Pathian nih cun a fekmi a dawtnak le zumhawktlak a sinak kha ka cungah a langhter lai.

SALM 50:23

Lawmhnak chim hi keimah upatnak thawinak cu a si, ka nawl a ngaimi cu ka khamh hrimhrim hna lai,” a ti.

SALM 33:4

Bawipa bia cu biatak an si, a ṭuanmi rian cu zumhawktlak an si dih.

2 SAMUEL 15:20

Nizan lawng i a rami na si i ka vahvaihnak kip ah maw kan vahpi hnga, khuazei ah ka kal lai ti awk hmanh ka hngalh ṭung lo? Va kir ṭhan law na unaule hna hi nangmah sinah kirpi hna; Bawipa nih a fekmi dawtnak le zumhawktlak a sinak cu in hmuhsak ko seh,” tiah a ti.

GENESIS 24:27

Cun aa thawh i, “Ka bawipa Abraham i a Pathian, ka bawipa sin i a biakam let lo tein a ummi cu thangṭhat si ko seh. Bawipa nih ka bawipa i a unau inn ah ding tein a ka hruai ko,” tiah a ti.

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

GENESIS 5:24

Enok cu a nun chung dihlak Pathian he tlongleng ṭi in a nung i Pathian nih a lak caah a um ti lo.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

SALM 138:7

Harnak nih a kulh in a ka kulh hmanh ah, him tein na ka umter ko, a thin a linh in a linmi ka ral kha na doh hna i na ṭhawnnak in na ka khamh.