SALM 22:16 - Lai (Hakha) Common Language Bible 2006

¹⁶ Miṭhalo bu nih an ka kulh, uico run bantukin an ka zuanhnawh; ka kut le ka ke ah an ka seh.

Laibaibal Thiang (BSI)

¹⁶ Zeitintiah uico zong nih anka dûm; suahsualnâk a tuahtu bu hna nih anka dûm. Ka kut le ka ke hna hi tleng ko in an chunh.

SALM 22:16 Referans Kwoze

JOHAN 19:37

Cun, “An chunhmi cu mi nih an zoh lai,” tiah a chimtu Cathiang bia zong a um fawn.

MATTHAI 27:35

Vailam ah cun an khenh chih i a thilpuan kha phe ah an i kah i an i ṭhen.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

JOHAN 20:25

Cucaah zultu dang nih khan, “Bawipa kha kan hmuh,” tiah an chimh. Thomas nih cun a thawh hna i, “A kut i thir hmaneh kha ka hmuh hna i cu thir hmaneh le a hnak kha ka kut in ka tawngh hna lo ahcun ka zum lai lo,” tiah a ti hna.

JOHAN 19:23

Ralkap nih Jesuh kha vailam i an khenhchih dih in, a hnipuan kha an i lak i ralkap pakhat nih pakhat cio ting dingin ṭhen li ah an ṭhen hna. Cun a angki cu hliah ngei loin tahmi a si i cu zong cu an i lak.

MARKA 15:24

Cuticun vailam ah cun an khenh chih i a puan kha an i phaw i aho nih dah a zei zawn hi a co lai tinak caah, camcawh fung in an zuh.

JOHAN 19:34

Asinain ralkap pakhat nih a hnak kha fei in a hun chunh i thi le ti kha an chuak.

LUKA 23:33

Cun “Lu Ruh” an timi hmun kha an phak tikah Jesuh cu vailam ah an khenh chih i misual pahnih hna zong kha a orhlei ah pakhat a kehlei ah pakhat an khenh chih ve hna.

FILIPI 3:2

Thil ṭhalo a tuahmi hna kha i ralring hna u, nan cuarpar nan i tan awk a si a ti pengmi uico hna kha i ralring hna u.

LUKA 23:23

Sihmanhsehlaw an awreng chuak in, Jesuh cu vailam ah khenh chih ko, tiin an au lengmang i a donghnak ah cun an aunak nih cun a tei.

ISAIAH 53:5

Sihmanhsehlaw hma a in cu kan sual ruangah a rak si i tuknak a huah cu kan ṭhat lo ruangah a rak si. A inmi dantatnak in luatnak kan hmu i an tuknak vual in damnak kan hmu.

SALM 22:20

Vainam chungin ka khamh law kha uico hna sin khan ka nunnak cu khamh ko,

SALM 22:1

Ka Pathian, ka Pathian, zeicahdah na ka hlawt? Ka bawm ko sawh, tiah fak piin ka au, sihmanhsehlaw bawmhnak cu a ra hlei lo.

JOHAN 20:27

Cun Thomas cu a thawh i, “Hika ah hin ra law ka kut hi zoh tuah hna; cun ka hnak kha ka tawng tuah. Zum loin um ti hlah, zum cang ko,” tiah a ti.

SALM 59:6

Zanlei fate an ra kir i uico bantukin an au i khua chungah an i chawk.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

SALM 86:14

Maw Pathian, miruamkai pawl nih an ka fuh, nangmah zei i an rel lomi miṭhalo pawl nih thah an ka zalh.

MATTHAI 26:57

Jesuh cu a tlaitu hna nih khan Tlangbawi Ngan Kaiafas inn ah khan an kalpi i cuka ah cun Phungbia cawnpiaktu saya hna le upa hna kha an rak i pum.

MATTHAI 7:6

“A thiangmi thil cu uico kha va pe hna hlah u — an i let lai i nanmah lehlam kha an in seh hna lai. Nan lungvar cu vok hmaiah va thla hlah u, vok nih cun a lamh in an lamh men ko lai.

JEREMIAH 12:6

Na unau, nangmah innchungkhar chung mi hrimhrim hmanh nih an in rawi cang; Nangmah tuk awkah khan an i thawh cio. Na sinah bia ṭhaṭha an chim hmanh ah zum hna hlah,” tiah a ti.

SALM 59:14

Ka ral cu zanlei fate an ra kir i uico bantukin an au i khua chungah an i chawk.

SALM 38:11

Ka hma le ka rung ruangah, ka hawi le ka innpa nih a naih hmanh an ka duh lo; ka chungkhat hmanh nih an ka hrial.