SALM 18:18 - Lai (Hakha) Common Language Bible 2006

¹⁸ Harnak ka ton tikah an ka doh, sihmanhsehlaw Bawipa nih cun a ka huhphenh.

Laibaibal Thiang (BSI)

¹⁸ Annih nih ka vanchiat ni ah anka dir hnawh, asinain BAWIPA cu ka hrampi a si.

SALM 18:18 Referans Kwoze

JEREMIAH 18:17

Nichuahlei thli bantukin annih cu an ral hna hmaiah ka ṭhek dih hna lai, An ṭumchuk ni ah ka hmailei chit loin ka hnulei tu ka chit hna lai, a ti.

SALM 59:16

Sihmanhsehlaw kei tu cu na ṭhawnnak kha hla in ka thangṭhat lai; zing fate in a fekmi na dawtnak kong kha hla in ka sa lai. Nangmah cu ka caah himnak na si, harnak caan ah dornak lungpi na si.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

ZEKHARIAH 1:15

sihmanhsehlaw zaang awl ngaiin a um komi miphun hna an cungah hin ka thin a hung, zeicahtiah ka thinhunnak cu a nemte a si ko lioah khan, annih nih ṭhat lonak kha pakhat hnu pakhat an chap chin lengmang.

2 SAMUEL 22:19

Ka vanchiat ni ah an ka chuahhnawh; Sihmanhsehlaw Bawipa cu ka cherhchan a si.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.

2 SAMUEL 22:1

Cun Bawipa nih David a ral vialte hna kut chung le Saul kut chungin a chuahter ni ah, hi hla hin Bawipa cu a hloi.

SALM 119:56

Na nawlbia ka zulh hna hi kaa lawmhnak a si.

SALM 138:7

Harnak nih a kulh in a ka kulh hmanh ah, him tein na ka umter ko, a thin a linh in a linmi ka ral kha na doh hna i na ṭhawnnak in na ka khamh.