SALM 18:11 - Lai (Hakha) Common Language Bible 2006

¹¹ Muihnak in amah le amah cu aa tuam, ti a khatmi khuadawm nakpi nih khan a zulh.

Laibaibal Thiang (BSI)

¹¹ Muihnâk cu â thuhnâk hmunah a canter; ti muihnâk le a chahmi van khuadawm hna cu amah tuamtu an si.

SALM 18:11 Referans Kwoze

SALM 97:2

Khuadawm le muihnak kha a velchum in an um; a pennak cu dinnak le biading cungah a hram a bunh.

DEUTERONOMI 4:11

Cun nannih nih nan va naih i tlang hramah khan nan va dir, tlang cu meizik in van tiang aa hlio i, muihnak le khuadawm nih a zual i, a pih in a pit.

JOEL 2:2

Cu ni cu muihnak le khuachiat ni, Chum le minmei aa zelh ni a si lai. Tlang cungah khin nak khupmap in khaubawk bu ngan pipi cu an hung chuak; Anmah bantuk cu a um bal lo i hmailei caan zongah a um bal fawn lai lo.

SALM 91:1

Himnak hmuh duh ah Cung Nung Bik kha a fuhmi le Lianngan Bik huhphenhnak chung ah aa dormi nih cun,

SALM 81:7

Harnak nan in tikah nan ka auh i kan khamh hna. Khuadawm chung i kaa thuhnak hmun khin ka run in leh hna; Meribah cerh ah khan kan hneksak hna.

SALM 27:5

Harnak caan ah him tein a thla tangah a ka dorter; a biakinn chungah him tein a ka chiah i a sangmi lungpi cungah a ka chuan.

SALM 104:3

cunglei i a ummi ti cungah khin na inn cu na sak. Khuadawm cu rangleng ah na hman hna i thlitu cu an thla cung cit awkah na hman hna.

EZEKIEL 10:18

Khi tikah Bawipa sunparnak cu biakinn tual khan a chuak i cherubim hna cungah khan a dir.