SALM 17:8 - Lai (Hakha) Common Language Bible 2006

^8-9 A ka dohtu miṭhalo hna sin hin Na mitfang bantukin ka veng law Na thlazung in ka hup tuah. Huatnak in a khatmi ka ral nih khan an ka dum,

Laibaibal Thiang (BSI)

⁸ Misual aka lamhchihtu hna le, ka thihnâk dingin aka dûmtu ka ral hna lakah hin,

SALM 17:8 Referans Kwoze

DEUTERONOMI 32:10

“Amah nih thetse ram ah khan a char, Thetse ram thlitu a awn vungmangmi ah khan a char. A kulh, a zohkhenh, a mit falai bantukin a ven.

SALM 91:4

A thla in an huh lai i him tein na um lai; zumhawktlak a sinak nih khan an huhphenh lai i him tein an umter lai.

SALM 91:1

Himnak hmuh duh ah Cung Nung Bik kha a fuhmi le Lianngan Bik huhphenhnak chung ah aa dormi nih cun,

PHUNGTHLÛKBIA 7:2

Ka nawlbia cu i ken hna law na nung lai, kan cawnpiaknak cu na mit falai bangin i ken hna;

LUKA 13:34

“Maw Jerusalem, Jerusalem, profet kha na thah hna i Pathian nih na sinah lamkaltu a rak thlahmi kha lung in na rak cheh hna. Arpi nih a fale cu a thla tangah a huh hna bantukin voi zeizat te dik na chung mi cu ka kut in huh kan timh hna i na duh lo.

ZEKHARIAH 2:8

Nanmah an ramhtu hna miphun hna sinah khan ralkapbu Bawipa nih rian a ka fial tikah a chimmi bia cu hihi a si, nanmah an tawngtu hna cu anmah an mit falai aa tawngmi an si.

SALM 36:7

Maw Pathian, zeitluk in dah na dawtnak hi a sun! Na thla tangah mi nih dornak an hmuh.

SALM 57:1

Ka zaangfah ko, Maw Pathian, ka zaangfah ko, himnak hmuh duh ah nangmah cu ka fuh. Thlichia ṭihnung a dih hlantiang, na thlazung in ka huppheng ko.

RUTH 2:12

Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.

SALM 61:4

Na thlam chungah a zungzal in ka umter tuah, na thla tangah him tein i dor ko ning.

MATTHAI 23:37

“Maw Jerusalem, Jerusalem, Profet kha na rak thah hna i nangmah sinah Pathian nih a run thlahmi lamkaltu hna kha lung in na rak den hna. Arpi nih a fale cu a thla tangah a huh hna bantukin na fale cu voi zeizat dik ka kut in huh ka timh hna i an duh lo.

SALM 63:7

zeicahtiah nangmah cu a kan bawmtu na si zungzal. Na thla tangah lawmhnak in hla ka sa.

SALM 16:1

Maw Pathian, nangmah cu kan fuh ko, ka huppheng ko sawh.

SALM 36:8

Na inn in a chuakmi rawl kha duhdim tein an ei i na ṭhatnak tiva chung khan ti na pek hna.

SALM 57:2

Cung Nung Bik Pathian cu ka auh, ka herhnak vialte a ka petu Pathian cu ka kawh.

SALM 61:5

Maw Pathian, nangmah nih bia kaa kammi kha na theih i nangmah an upatmi hna ro kha na ka pek.