SALM 17:7 - Lai (Hakha) Common Language Bible 2006

⁷ Maw Khamhtu Bawi, na dawtnak khuaruahhar cu langhter ko; na kiang kan um ahcun kan ral hna kut chungin kan him.

Laibaibal Thiang (BSI)

⁷ Na orhlei kut in khuaruahhar na duhdawt zângfahnâk cu langhter law, aw nang cu ralchanhtu hna chungin an bochantu hna khamhtu na si.

SALM 17:7 Referans Kwoze

SALM 60:5

Na ṭhawnnak in kan khamh tuah; kan thlacamnak kha kan let tuah, cuticun na dawtmi hna hi kan luat kho lai.

SALM 31:21

Bawipa cu thangṭhat ko u! Ka ral nih an ka kulh i an ka tuk tikah a dawtnak cu khuaruahhar in ka cungah a langhter.

SALM 20:6

Atu cu Bawipa nih a thimmi siangpahrang kha teinak a pek ti ka hngalh cang; a thiangmi a vancung khin a run leh i a ṭhawngmi a lianhngannak in teinak kha a pek.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

2 SIANGPAHRANG 19:34

Zeitintiah hi khua cu keimah ruang le ka sal David ruangah khamh awkah ka humhak lai,” tiah Bawipa nih a ti.

EXODUS 15:6

Bawipa, na orhlei kut a ṭhawngmi cu khuaruahhar a si; ral pawl kha a den cikcek hna.

LAMKALTU 2:33

Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.

2 SIANGPAHRANG 19:22

Na nihsawh i na serhsat i Na aw na perhhnawh i ruamkai ngaiin na mit na renghhnawhmi Israel mi Thiang kha a si ko!

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

SALM 78:12

An pupa hna mithmuh hrimhrim ah khan Pathian nih khuaruahharmi thil pakhat a tuah, Zoan lo ah, Izipt ram ah khan a tuah.

SALM 31:22

ka thin a phang i na sinah umter ti loin na ka dawi cang rua tiah ka ruah. Sihmanhsehlaw nangmah sinah bawmhnak hal in ka au tikah ka aunak kha na rak theih.