SALM 17:15 - Lai (Hakha) Common Language Bible 2006

¹⁵ Kei tu nih cun ka sual lo caah na hmai kha ka hmuh lai i cun ka hun i hlauh tikah nangmah ka sin i na um caah lunglawmhnak in ka khat lai.

Laibaibal Thiang (BSI)

¹⁵ Kei nih cun, dinnâk he na hmai ka hmuh lai, nangmah bangin kâ hlauh tikah ka di a riam te lai.

SALM 17:15 Referans Kwoze

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.

MATTHAI 5:6

Pathian duhnak tuah kha nan duhnak ngan bik i a chiami cu lunglawmmi nan va si dah! Pathian nih nan duhnak cu a tlinter lai.

SALM 11:7

Bawipa cu a ding i tuahsernak ding kha a duh, mi dingmi nih a hmai kha an hmuh lai.

SALM 16:11

Nunnak lei kalnak lam cu na ka hmuhsak lai; ka sinah na um caah lawmhnak in ka khat i na ka bawmh caah nuamhnak ka hmu zungzal.

FILIPI 3:21

A der i a thi khomi kan pum cu a sunglawimi amah pum bantuk ah khan a kan thlen lai i cu tuahnak ah cun zeizong vialte amah uknak tang i a chiah hnanak ṭhawnnak kha a hman lai.

ISAIAH 26:19

Kan mi hna a thimi kha an nung ṭhan lai! An pum kha a nung ṭhan lai. An thlan i a itmi vialte kha an i hlau lai i lunglawm in hla an sa lai. Dapti nih vawlei cu a hrinter ṭhan bantukin a thi ciami cu Bawipa nih a nunter ṭhan hna lai.

SALM 65:4

Nangmah nih na thimmi hna cu an lung aa lawm, na hmunthiang ah na umtermi hna mi lunglawm an si! Na inn chung i a ummi thil ṭha cu kan khim lai i a thiangmi na biakinn chung thil ṭha cu kan i zaa lai.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

NAMBAR 12:8

Amah cu hmaitonh in ka chawnh, holh thup in si loin fiang tein ka chawnh; cun amah cu Bawipa mui zong a hmumi a si. A si kun ahcun zeicahdah ka sal Moses bia al cu nan ṭih kun lo? tiah a ti.

SALM 119:111

Na nawlbia cu zungzal ka ro an si, ka lung a ka lawmhtertu an si.

SALM 49:14

Tuu bantukin a thi dingin ruah an si cang i an tuukhal cu thihnak a si lai. Miding mi nih khan zinglei ah an tei hna lai i mithi hna ram ah an pum cu a thu a man lai, cuka cu an inn in aa hlatmi hmun a si lai.

SALM 5:7

Sihmanhsehlaw kei cu na dawtnak a nganmi thawngin na inn chungah ka ra lut kho; a thiangmi na biakinn chungah nangmah kan bia kho i na hmaiah ka kun kho.

JOB 14:12

Minung cu a it i a tho ṭhan ti lo, Van hna khi an um ti lo hlan lo cu aa ṭhang lai lo. Mi cu a thih ahcun a nung ṭhan kho lai maw? Aa hngilhnak in aa hlau bal ti lai lo.

JEREMIAH 31:26

Cu tikah ka mi hna nih cun, ‘Kaa hngilh i ka thazang a tlung ṭhan,’ an ti lai.