SALM 147:1 - Lai (Hakha) Common Language Bible 2006

¹ Bawipa cu thangṭhat u! Kan Pathian cu hla in thangṭhat hi a ṭha; amah thangṭhat hi a nuam i ahmaan.

Laibaibal Thiang (BSI)

¹ BAWIPA cu thangṭhat u! kan Pathian thangṭhat i hla sak hi a ṭha; thangṭhat hi a nuam i â dawh.

SALM 147:1 Referans Kwoze

SALM 135:3

Bawipa cu a ṭhat caah thangṭhat u zaangfah thiammi a si caah a min cu hla in thangṭhat u.

SALM 33:1

Miding vialte hna, Bawipa nih a tuahmi thil ruangah i lawm tuah u; amah a nawl a zulmi vialte hna, amah cu thangṭhat tuah u.

SALM 92:1

Bawipa sinah lawmhnak hla sak cu zeitluk in dah a nuamh! Cungnung Bik Pathian, nangmah min upat in hlasak cu zeitluk in dah a nuamh!

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

EZRA 3:12

Sihmanhsehlaw tlangbawi tampi hna le Levi mi tampi hna le pale innchungkhar lu a si ciomi tampi hna, tar pawl hmasa inn a rak hmutu hna kha cu, inn hram bunh an hmuh tikah khan, mi tampi cu lunglawm in fak piin an au nain, annih cu fak piin an ṭap i,

SALM 92:2

Hri tampi a ngeimi tingtang le thonglawi aw dawh he, a fekmi na dawtnak thangṭhat in zingfate in hlasak le zumhawktlak na sinak zanfate in thanh cu a nuam hringhranmi a si.