SALM 138:3 - Lai (Hakha) Common Language Bible 2006

³ Kan auh tikah na ka leh, na ṭhawnnak in na ka ṭhawnter.

Laibaibal Thiang (BSI)

³ Kan auh lio ah, naka leh i ka nunnâk hi ṭhawnnâk he aral na ṭhatter.

SALM 138:3 Referans Kwoze

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

SALM 18:6

Ka harnak chungin Bawipa cu ka auh; bawmhnak hal in ka Pathian cu ka auh. A biakinn chungin ka aw kha a theih, bawmhnak ka halnak ka aw cu a hna a phan.

ZEKHARIAH 10:12

Sihmanhsehlaw Israel ṭhawnnak cu Bawipa chungah a si lai i A min in sunglawi ngaiin an kal lai. Mah hihi Bawipa bia hrimhrim a si.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

SALM 27:14

Bawipa cu i bochan u! Zumhnak ngei u, nan lung dong hlah u! Bawipa cu i bochan ko u!

KOLOSE 1:11

Zeizong vialte kha lungsau thinfual in nan in khawh nakhnga, amah thazang chungin a chuakmi thazang nih in ṭhawnter ko hna seh.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

SALM 29:11

Bawipa nih a mi cu thazang a pek hna i thluachuah daihnak a pek hna.

EFESA 3:16

Nan chunglei minung sinak ah a ṭhawngmi nan si nakhnga le zumhnak thawngin Khrih cu nan lungthin chungah khua a sak nakhnga, cun a sunparnak ro bukbau chungin A Thlarau thawngin ṭhawnnak an pek hna nakhnga, Pathian cu ka nawl. Nan hrih nan hram cu dawtnak chungah fek tein nan bunh nakhnga le

SALM 63:8

Nangmah kha kan tlaihchan i na kut nih him tein an ka umter.

SALM 28:7

Bawipa nih a ka huh i a ka phenh; amah cu kaa bochan ko. A ka bawmh i kaa lawm, cucaah amah thangṭhatnak hla ka sa.

ISAIAH 65:24

Ka sin i thla an cam tikah an thlacam a dih hlan hmanh in ka leh hna lai.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.

SALM 34:7

Bawipa a ṭihmi cu a vancungmi nih khan an zoh hna i ṭihnak chungin an luatter hna.

ṬAHNAK HLA 3:57

Nangmah kha kan auh tikah ka pawngah na um; Nangmah nih, ‘Ṭih hlah,’ na ka ti.

DANIEL 10:18

Cun mipa bantuk a simi nih cun a ka tawngh ṭhan i ka tha cu a hung tlung ṭhan.

DANIEL 10:19

A ka thawh i, “Pathian nih an dawt, cucaah na thinphang hlah, na caah zeizong vialte a ṭha dih ko lai. Na lung ṭhawng ko,” tiah a ti. Bia a ka chimh dih tikah ka thazang cu a hung tlung ṭhan i, “Ka chawn ko, bawipa, zeicahtiah thazang na ka pek cang,” tiah ka ti.