SALM 137:1 - Lai (Hakha) Common Language Bible 2006

¹ Babilon tiva hna kamah cun kan ṭhu i Zion kan ruah chel paoh ah kan ṭap tawn.

Laibaibal Thiang (BSI)

¹ Babilon tiva kamah, cuka ah kan ṭhu, asi, Zion kan ruah tikah kan ṭap tawn.

SALM 137:1 Referans Kwoze

EZEKIEL 1:1

Kum sawm thum kum, thla linak thla, ni nga ni ah cun, saltangmi hna sinah Khebar tiva pawngah khan ka um i van kha aa hung i Pathian langhnak kha ka hmuh hna.

EZEKIEL 3:15

Cucaah saltang hna sinah cun Tel-abib ah ka phan i annih cu Khebar tiva pawngah an rak um. Ni sarih an sinah ka ṭhu i ka ar ko.

LUKA 19:41

Khuapi cu a hei naih chin lengmang i a hei hmuh tikah a ṭah i,

EZEKIEL 1:3

Khaldi mi hna ram i Khebar tiva pawngah khan Buzi fapa tlangbawi Ezekiel sinah khan Bawipa bia cu a phan; cun khika ah Bawipa kut cu a cungah khan a um.

ṬAHNAK HLA 3:48

Ka mi hna hma ruangah Ka mitthli tiva ti bangin a luang.

ṬAHNAK HLA 2:18

Bawipa sinah cun lungriam tein ṭap tuah, Maw Zion fanu vampang; Na mitthli cu a chun a zan in tla thluahmah ko seh. Caan tlawmte hmanh i din hlah Na mitthli zong hul hrim hlah seh.

ṬAHNAK HLA 1:16

Hi thil hna ruangah hin ka ṭap i Ka mit cu mitthli in a luang; Keimah hnemtu ding le ka thazang hrimhtertu ding cu lamhlapi lawngah an um. Ka fapale hna cu lileng in an um, Ral nih a tei hna caah.

JEREMIAH 15:17

Aa nuam huahmahmi hna sinah khan ka ṭhu ka um bal lo i An sin zongah kaa nuam bal lo; Nangmah nih rian na ka pekmi ruangah keimah lawng tein ka um i Nangmah nih thinhunnak in na ka khahter.

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

NEHEMIAH 2:3

Cun siangpahrang cu ka thawh i, “Siangpahrang cu zungzal in nung ko seh! Ka pupa hna thlan umnak khuapi cu a rawh ko i a kutka hna cu mei nih a kangh dih hna tikah hin, zeicahdah hmaichia loin ka um hnga,” tiah ka ti.

EZRA 8:31

Cun kannih cu Jerusalem i kal awkah cun thla khatnak thla a ni hleihnih ni ah cun Ahava tiva cun kan i thawh; kan Pathian kut cu kan cungah a um i kan ral hna kut chung le lam i lamhruang a rak kan ahtu hna kut chungin a kan khamh.

EZRA 8:21

Cun kan Pathian sinin kanmah ca le kan fale hna ca le kan thilri vialte ca i lam ding kawl awkah amah hmaiah cun kan lung kan i ṭhumh khawh nakhnga Ahava tiva ah cun rawl ulhnak kan thanh.

BIAPHUAN 11:3

Ka tehte pahnih kha ka thlah hna lai, annih cu buri an i aih lai i ni thong khat le za hnih le sawm ruk chung Pathian bia kha an chim lai.

DANIEL 9:3

Cun Bawipa Pathian sinah cun nawlnak in le rawl ulhnak in le buri puan i aih in le vutcam i phulh in thla ka cam i hi bangin sualphuannak kha ka tuah:

ṬAHNAK HLA 3:51

Ka khuachung ngaknu vialte hna nih an tonmi thil in Bawipa nih a ka hrem.

ISAIAH 66:10

Jerusalem a dawmi vialte hna, Jerusalem he cun i lawm ṭi u law amah ruangah cun nan tha nuam tuah u. Hmasa i a rak ṭahtu vialte hna, atu cu amah he cun i lawm tuah u.

JEREMIAH 8:19

Ram hlapi ah a ummi ka mi hna au thawng cu ngai hmanh: ‘Bawipa cu Zion ah a um lo maw? A Siangpahrang cu a chungah cun a um ti lo maw?’ tiah an au. Zeicahdah an siasal hna le ramdang pathian hna in ka thin an ka phawh? a ti.

JEREMIAH 13:4

“Tho law Zufrates tiva ah va kal tuah. Khika ah na tai i naa kaihmi na biar kha lungkak chungah va thup tuah,” a ti.

JEREMIAH 51:13

Maw khuapi rum, ti tampi pawng i khua a sami, Na donghnak cu a phan cang, na nunnak hri cu a cat cang.