SALM 133:1 - Lai (Hakha) Common Language Bible 2006

¹ Unau rual i rem tein khuasak ṭi hi zeitluk in dah a ṭhat i a nuamh!

Laibaibal Thiang (BSI)

¹ Zohhmanh, unau rualrem tein khuasak ṭi hi a ṭha in a va nuam dah.

SALM 133:1 Referans Kwoze

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

1 KORIN 1:10

Ka u le ka nau hna, kan Bawipa Jesuh Khrih min in kan nawl hna: nan dihlak in pakhat le pakhat lungnge tein um tuah u, i ṭhen hlah u. Lungthin khat, ruahnak khat in um u.

JOHAN 13:35

Pakhat le pakhat nan zawn nan i ruah ahcun mi vialte nih, hi hna hi amah a zultu kha an si, tiah an in hngalh hna lai,” tiah a ti hna.

HEBRU 13:1

Khrih chungah unau nan si bantukin pakhat le pakhat i daw zungzal u.

JOHAN 17:21

An dihlak in pakhat an si nakhnga thla ka cam. Ka Pa, keimah cu nangmah chungah ka um i nangmah cu keimah chungah na um bantuk hin annih zong kan chungah um ve hna seh.

JEREMIAH 32:39

Annih cu an nunning ah tinhmi pakhat lawngte ka pek hna lai: cucu anmah ca le an tefa hna ca i a ṭhami keimah ṭih zungzal kha a si lai.

GENESIS 13:8

Cun Abram nih Lot cu a thawh i, “Kannih cu rualchan kan si, na mi hna le ka mi hna hi an i sik lengmang awk a si lo.

GENESIS 45:24

A unau hna cu a hei thlah hna i, “Lampi ah lungrethei in va um hlah u,” tiah a ti hna.

ISAIAH 11:6

Cenghngia le tuu kha hmunkhat ah dai tein an tlong ṭi lai i pawlai le mehehfa cu an bawk ṭi lai. Cawfa le chiandeih no kha rawl an ei ṭi lai i ngakchia tete nih khan an zohkhenh hna lai.

SALM 131:1

Maw Bawipa, kaa porhlawtnak kha ka hlawt cang, ka ruamkainak kha ka chuahtak cang. Thil lianngan kha biapi ah ka ruat ti hna lo, ka ca i a har tukmi thil kha zei ah ka rel ti hna lo.

ISAIAH 11:13

Israel ram nih khan Judah ram kha a nahchuah ti lai lo i Judah zong cu Israel ral a si ti lai lo.

SALM 122:1

“Bawipa inn ah kal u sih,” an ka ti tikah khan ka rak i lawm.

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

SALM 124:1

Bawipa kha kanmah leiah rak ṭang hlah seh law, zei huah dah kan rak huah hnga, Israel mi hna ka let tuah u!

MARKA 3:25

Innchungkhar khar khat cu a bubu in an i ṭhen i an i doh ahcun a dir kho lai lo.