SALM 119:73 - Lai (Hakha) Common Language Bible 2006

⁷³ Nangmah nih na ka ser i nangmah nih him tein na ka umter; na nawlbia kha ka hngalh khawh hna nakhnga hngalhthiamnak ka pe ko.

Laibaibal Thiang (BSI)

⁷³ Na kut in sermi le thomhmi ka si, na nawlpêk kha ka cawn khawh nâkhnga theihthiamnâk ka pe.

SALM 119:73 Referans Kwoze

SALM 138:8

Na ka kamhmi thil vialte kha tlinter ko hna, Bawipa, na dawtnak cu zungzal in a fek ko; na thawk ciami rian cu liim ko.

JOB 31:15

Paw chung i a ka sertu nih cun anmah cu a ser ve hna lo maw? Pathian pakhat nih paw chungah a kan ser cio a si lo maw?

2TIMOTE 2:7

Bawipa nih zeizong vialte hngalh khawhnak an pek lai caah ka chimmi hi ruat hna hmanh.

SALM 119:125

Kei cu na sal ka si, cucaah cun hngalhthiamnak ka pe law na ka cawnpiakmi kha ka hngalh khawh hna lai.

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

JOB 32:8

Sihmanhsehlaw Pathian thlarau cu minung chungah a um i Lianngan Bik thaw nih hngalhnak cu a pek hna.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

SALM 119:34

Na phunglam kha fiang tein ka chim law ka zulh lai; ka lungthin a dih umnak in ka zulh lai.

SALM 100:3

Bawipa cu Pathian a si kha zeitikhmanh ah philh hlah u! A kan sertu cu amah a si i kannih cu amah ta kan si; a mi kan si i a tuurun kan si.

JEIM 3:18

Cun daihnak sertu pawl nih daihnak in an tuhmi thlaici nih a thei a tlaimi cu ṭhatnak a si.

SALM 119:169

Maw Bawipa, nangmah bawmh hal in ka aunak cu na sin phakter ko. Bia na ka kamh bangin hngalhnak ka pe ko.

2 CHANRELNAK 2:12

Huram nih cun hi ti zong hin a ti fawn, “Bawipa, Israel Pathian, van le vawlei a ser i Bawipa caah biakinn le amah caah siangpahrang inn i saknak ding caah ruahnak fim le hngalhthiamnak a ngeimi fapa David Siangpahrang a petu cu thangṭhat si ko seh.

SALM 119:144

Na kan cawnpiaknak cu zungzal in a ding, hngalhthiamnak ka pe law ka nung lai.

1 CHANRELNAK 22:12

Nangmah cu Israel mi zohkhenh awk ṭuanvo kha an pek tikah Bawipa na Pathian phungbia cu na zulh nakhnga, Bawipa nih fimnak le hngalhthiamnak in pe ko seh.

SALM 95:6

Ra tuah u, kun u sih law bia u sih; a kan Sertu Bawipa hmaiah cun kan khuk i bil u sih!