SALM 119:5 - Lai (Hakha) Common Language Bible 2006

⁵ Na kan pekmi phunglam cu zumhawktlak tein zul kho ning law zeitluk in dik ka va lunghmuih hnga!

Laibaibal Thiang (BSI)

⁵ Maw, na phunglam zul dingin, ka lam hna hi fehter hei si sehlaw!

SALM 119:5 Referans Kwoze

SALM 51:10

Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.

2 THESALON 3:5

Pathian dawtnak lei le Khrih nih an pekmi hna intuar khawhnak leiah khan Bawipa nih nan lung cu hruai ko seh.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

SALM 119:36

Rumnak nakin na nawlbia zulh kha ka duhter deuh.

SALM 119:32

Nangmah nih hngalhthiamnak tam chinchin in na ka pek lai caah, na nawlbia cu lunglawm tein ka zulh hna lai.

SALM 119:173

Na nawlbia cu ka zulh hna caah a zungzal in ka bawm ko.

SALM 119:159

Bawipa, zeitluk in dah na cawnpiaknak ka duh cu hngal ko. A fekmi na dawtnak thawngin ka khamh ko!

SALM 119:131

Na nawlbia kha ka duh tuk hna caah, ka kaa kaa an i ka thaw aa su.