SALM 119:139 - Lai (Hakha) Common Language Bible 2006

¹³⁹ Ka ral nih na nawlbia cu zei ah an rel hna lo caah ka thin cu meialh in a alh.

Laibaibal Thiang (BSI)

¹³⁹ Ka ral hna nih na bia an philh cang caah, kâ zuamnâk nih aka hloh.

SALM 119:139 Referans Kwoze

JOHAN 2:17

Cathiang nih, “Maw Pathian, na inn ka tlaihchannak hi ka chungah mei bangin a lin,” tiah a timi kha a zultu hna cu an lung ah a hung pem.

SALM 69:9

Na biakinn ka ṭanhnak hi ka chungah mei bantukin a alh i nangmah an in nihsawhnak kha keimah cungah a tla.

LAMKALTU 13:27

Zeicahtiah Jerusalem i a ummi hna le an hruaitu hna nih khan amah cu Khamhtu a si kha an hngal lo i cuhleiah Sabbath fate an rel lengmangmi profet bia hna zong kha a sullam an hngal hna lo. Sihmanhsehlaw Jesuh an thahnak thawng khan profet bia kha an tlinter hna.

1 SIANGPAHRANG 19:10

Anih nih, “Bawipa, ralkapbu Pathian cu ka ṭanh hringhran ko, zeitintiah Israel mi hna nih na biakamnak kha an hlawt i na biakṭheng kha an chimh hna i na profet hna kha vainam in an thah hna i keimah, keimah lawnglawng hi ka tang; cun keimah zong cu thah awkah an ka kawl,” tiah a ti.

MATTHAI 22:29

Jesuh nih cun, “Nan hei palh hringhran dah. Hi ti nan palhnak cu Cathiang kha siseh, Pathian ṭhawnnak kha siseh, nan hngalh lo caah a si.

MATTHAI 21:42

Jesuh nih khan annih cu, “Cathiang nih: ‘Inn satu hna nih san a tlai lo tiin an hlawtmi lung cu lung santlai bik ah a cang; Cucu Bawipa tuahmi a si i khuaruahhar ngaingai a si tiah kan ruah,’ tiah a timi kha nan rel bal lo maw?

MATTHAI 21:16

cucaah Jesuh cu, “An chimmi cu na thei maw?” tiah an ti. Jesuh nih cun, “Thei dah e! ‘Ngakchia tete hna le hnuktlai lio bawhte hna kha, na thangṭhatnak cu na chimter hna,’ tiah Cathiang chungah aa ṭialmi kha nan rel bal lo maw?” tiah a ti hna.

MATTHAI 21:13

annih cu, “Cathiang chungah, ‘Pathian nih ka inn cu thlacamnak inn a si lai, a ti,’ tiah aa ṭial. Sihmanhsehlaw nannih nih cun mifir kua ah nan ser cang,” tiah a ti hna.

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

SALM 53:4

Pathian nih, “An hngal hnga lo maw? Ṭhat lonak a tuahmi hi mihrut maw an si dih ko hnga? Ka mi kha an ramh hna i cucu an i cawmnak ah an hman, ka sinah thla an cam lo,” a ti.

1 SIANGPAHRANG 19:14

Anih nih, “Bawipa, ralkapbu Pathian, nangmah, nangmah lawnglawng hi kan ṭanh zungzal; Israel mi tu nih cun nangmah he an biakam kha an hrawh i na biakṭheng kha an hrawh hna i na profet kha an thah hna. Keimah lawnglawng hi ka tang i keimah zong cu thah an ka zalh lengmang,” a ti.

SALM 69:10

Rawl ulhnak in toidornak lungthin ngeih kaa zuam i asinain mi nih an ka nihsawh ṭhiamṭhiam.