SALM 119:132 - Lai (Hakha) Common Language Bible 2006

¹³² Na dawtmi hna cu na merhnawh hna i an cungah zaangfahnak na ngeih bantukin kei zong ka merhnawh ve law ka zaangfah ve ko sawh.

Laibaibal Thiang (BSI)

¹³² Run ka zoh law, ka zângfah ko, na min a dawtu hna na zângfah tawn hna bang khan.

SALM 119:132 Referans Kwoze

SALM 119:124

A fekmi na dawtnak ningin ka cungah ṭuan law na nawlbia cu hung ka cawnpiak ko hna.

SALM 106:4

Na mi hna na bawmh hna tikah ka philh hlah, Maw Bawipa, na khamh hna tikah kei zong ka telh ve.

SALM 25:18

Ka retheihnak vialte le ka innak vialte kha ka ruahpiak hna law Ka sualnak vialte cu ka ngaithiam ko hna.

SALM 25:16

Maw Bawipa, keimah lei hoi law, ka zaangfah tuah, zeitintiah ka um a har i ka thazang a der.

1 SAMUEL 1:11

Cun biatiamnak a tuah i, “Maw ralkapbu Bawipa, na salnu intuarnak hi na ka hmuhpiak i na ka cinken i, na salnu kha na philh lo i na salnu hi fapa na ka pek ahcun, a nun chung vialte amah cu Bawipa sinah ka pek lai i, luei nam nih a lu kha a tawng lai lo,” tiah a ti.

2 SAMUEL 16:12

Bawipa nih ka retheihnak hi a ka hmuhpiak hnga i nihin i chiat a ka serhmi ruangah hin ṭhatnak in a hei ka lehrulh ko hnga dahkaw,” tiah a ti.

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.

SALM 5:12

Bawipa, na nawl a ngaimi cu thluachuah na pek hna, na zaangfahnak nih phaw bantukin a huhphenh hna.