SALM 119:118 - Lai (Hakha) Common Language Bible 2006

¹¹⁸ Na phunglam a zul duh lomi vialte kha na hlawt hna, zernak in khua an khanmi vialte cu pakpalawng a si.

Laibaibal Thiang (BSI)

¹¹⁸ Na phunglam in a pialmi vialte kha na hlawt dih hna, zeitintiah an i hlennâk cu lih a si.

SALM 119:118 Referans Kwoze

SALM 119:10

Ka lungthin a dih umnak in na rian ṭuan kha kaa zuam; na nawlbia kha zul loin ka umnak hnga lo ka bawm.

SALM 119:21

Mi porhlaw kha na chimhhrin hna; na nawlbia a pialtakmi cu chiatserhmi an si.

EFESA 5:6

Ahohmanh pakpalawng bia in i hlenter hna hlah u; hi thil ruangah hin Pathian thinhunnak cu a nawl a ngai lomi hna cungah khan a tlung lai.

EFESA 4:22

Cucaah nan rak nun tawnning in an nuntertu hna nan mihring hlun kha hlaw u, cu mihring hlun cu pumsa duhnak hlenhmang nih a hrawh lengmang tawnmi kha a si.

SALM 119:29

Lam ping zulh ka dawn law na ṭhatnak thawngin na phunglam kha ka cawnpiak tuah.

BIAPHUAN 18:23

A chungah meiinn ceu a um ti lai lo; nupi ṭhi tlangval le va ngeimi ngaknu conglawmhnak thawng zong a um ti lai lo. A chung i a rak ummi chawlet pawl cu vawlei cung ah a ṭhawng bik an rak si i hlennak mitleh thiamnak in vawlei cung mi vialte kha an hlen dih hna,” a ti.

1JOHAN 2:21

Cucaah nan sin i ca ka ṭial hi biatak kha nan hngalh lo caah si loin biatak kha nan hngalh ca le biatak chungin lih bia a chuah bal lo ca tu ah khan a si.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.

MALAKHI 4:3

Ka cawlcangh ni ah cun nannih nih miṭhalo kha nan ke tangah nan lamh beh hna lai i annih cu nan keza tang i a ummi vutcam kha an si lai, tiah ralkapbu Bawipa nih a ti.

ISAIAH 63:3

Keimah nih, keimah lawnglawng in mitsur hang cu ka nen i ka thinlinh in ka nen hna; An hang nih ka puan cu a peh i ka puan cu a seh dih.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

ISAIAH 25:10

Bawipa nih Zion Tlang cu a huhphenh lai, sihmanhsehlaw capawl kha nawncek chungah an lamhchih bantukin Moab cu vawlei ah lamhchih a si lai.

SALM 95:10

Kum sawm li chung awlok an ka chonh i, “Annih cu ka nawlbia a ngai duh lo i ka cungah zumhawktlak in a um duh lomi an si,’ ka ti.

SALM 78:57

an pu an pa hna bantuk khan ral thawh hmang le zumh awk tlak loin an um ve, aa merhmi likuk in kahmi thal cu a ka a kheng khomi a si lo caah i bochan khawh ding a si lo bantukin annih zong bochan awk a tlakmi an si ve lo.

BIAPHUAN 14:20

Mitsur thei cu khuapi leng i a ummi mitsur nennak ah khan an nen hna i mitsur nennak chung cun thisen a chuak i khan za hnih a luang i pe nga tluk a thuk.

PHUNGTHLÛKBIA 12:20

Ṭhat lonak khua a khangtu hna cu anmah le anmah an i hleng ko, sihmanhsehlaw zapi ca ṭhatnak a kawlmi hna caah cun lunglawmhnak a um.