SALM 119:108 - Lai (Hakha) Common Language Bible 2006

¹⁰⁸ Maw Bawipa, ka lunglawmhnak thlacamnak cu ka cohlang law, na nawlbia kha ka cawnpiak tuah hna.

Laibaibal Thiang (BSI)

¹⁰⁸ Maw BAWIPA, lungtho tein ka hmurkâ chuak raithawinâk hi ka cohlân piak ko, tiah thla ka cam, na biaceihnâk kha ka cawnpiak.

SALM 119:108 Referans Kwoze

HEBRU 13:15

Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

HOSEA 14:2

Bawipa sinah cun kir law hihi na thlacamnak cu siter ko: “Kan sualnak vialte cu kan ngaithiam law kan thlacamnak cu kan cohlanpiak tuah, Cun kannih nih bia kan in kam cang bantukin kan in thangṭhat lai,” ti tuah.

SALM 119:12

Bawipa, nangmah cu kan ṭhangṭhat, na phunglam cu ka cawnpiak ko hna.

SALM 119:169

Maw Bawipa, nangmah bawmh hal in ka aunak cu na sin phakter ko. Bia na ka kamh bangin hngalhnak ka pe ko.

NAMBAR 29:39

“Nan biakam thawinak hna le nan lung tho tein thawinak hna hlei ah, mah hna hi nan khangh thawinak hna le nan changvut thawinak hna le nan thlet thawinak hna le nan daihnak thawinak hna caah a caan khiahmi puai hna ah Bawipa sinah nan pekchanh hna lai,” tiah a ti.

SALM 119:130

Na kan cawnpiaknak fianternak nih khan ceunak a chuahpi, hngalhnak a tlawmmi kha fimnak a pek hna.

SALM 119:26

Ka tuahmi vialte kha na sinah ka phuan dih i na ka leh; na nawlbia kha ka cawnpiak tuah hna.

2 CHANRELNAK 31:14

Cun Levi mi Imnah fapa Kore, nichuahlei kutka cawngtu kha Pathian sinah mah lungtho tein pekmi laksawng zohkhenhtu a si i amah nih cun Bawipa ca i kenretmi le a thiang bik pekchanhnak ca i kenretmi thawhlawm cu a ṭhen awk an si.

SALM 27:6

Cucaah ka velchum i a ummi ka ral cu ka tei hna lai. Lunglawmhnak au thawng he a biakinn chungah ka raithawinak cu ka pekchanh lai; hla ka sa lai i Bawipa cu ka thangṭhat lai!