SALM 118:27 - Lai (Hakha) Common Language Bible 2006

²⁷ Bawipa cu Pathian a si; kan cungah a ṭha. Nan kut in thing nge kha i put in puai cu thawk u law biakṭheng kha vel u.

Laibaibal Thiang (BSI)

²⁷ Pathian cu BAWIPA a si i amah nih ceunâk a kan pêk; raithawinâk ding cu hri in biakṭheng ki ah hreng u.

SALM 118:27 Referans Kwoze

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

SALM 18:28

Bawipa nih ceunak a ka pek, ka Pathian nih muihnak cu a ka dawipiak.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

ISAIAH 60:1

Tho tuah, Jerusalem, ni bantukin tlang tuah; Bawipa sunparnak cu na cungah a tlang!

ISAIAH 9:2

Mui lak i a rak i chawkmi hna nih khan ceunak nganpi an hmuh cang! Thihnak thladem tangah an rak um, sihmanhsehlaw atu cu ceunak nih a ceuh cang hna.

ESTHER 8:16

Judah mi hna nih cun ceunak le lawmhnak le thanuamnak kha an hmuh.

SALM 37:6

Na ṭhatnak kha ceunak bantukin a ceuter lai i na dinnak kha chunlai bantukin a ceuter lai.

1 SIANGPAHRANG 18:39

Cun mah cucu mi vialte nih khan an hmuh tikah an bawk i, “Bawipa hi pei Pathian cu a rak si hi, Bawipa hi pei Pathian cu a rak si hi,” tiah an ti.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

1 SIANGPAHRANG 18:21

Cun Elijah cu mi vialte pawngah khan a ra i, “Zei can dah bei lengmang in ruahnak pahnih he nan kal lai? Bawipa cu Pathian a si ahcun, amah cu zul u; sihmanhsehlaw Baal cu Pathian a si ahcun, amah cu zul fawn ko u,” tiah a ti hna. Mi zapi nih cun bia kaa khat hmanh an let lo.

EXODUS 38:2

A kil pali ah khan ki pali a bunh hna i cu ki pali hna cu a pum he khan an i peh dih. A dihlak in dar in a tuam.

EXODUS 27:2

A kil pali ah khan a fong na ser hna lai. Biakṭheng he khan an i peh dih lai i an ningpi cun dar in na tuam hna lai.

HEBRU 13:15

Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

1 CHANRELNAK 29:21

Cun Bawipa sinah khan raithawinak an tuah i, a thaituan ah cawtum thong khat le tuutum thong khat le tuufa thong khat cu, an thlet thawinak hna le an raithawinak hna he khan, Israel mi vialte caah duhdim tein i za in khangh thawinak ah Bawipa sinah cun an pekchanh hna;

MIKAH 7:9

Bawipa cungah cun ka sual cang, cucaah a thinhunnak cu tu caan tlawmte chung cu ka in lai. Sihmanhsehlaw a donghnak ah cun keimah kha a ka ṭanh lai i ka cung i ṭhat lonak an tuahmi vialte kha ding tein a tuah ṭhan dih lai.