SALM 118:17 - Lai (Hakha) Common Language Bible 2006

¹⁷ Ka thi lai lo, ka nung ko lai i Bawipa nih a tuahmi thil kha ka chim hna lai.

Laibaibal Thiang (BSI)

¹⁷ Ka thi lai lo, asinain ka nung lai i BAWIPA tuahmi kha ka phuan hna lai.

SALM 118:17 Referans Kwoze

JOHAN 11:4

Cu bia cu Jesuh nih a theih tikah, “Hi zawtnak hi a donghnak cu thihnak a si lai lo, sihmanhsehlaw Pathian sunparnak langhternak caah a si lai i hi thawng hin Pathian Fapa zong nih sunparnak a hmuh lai,” a ti.

SALM 73:28

Sihmanhsehlaw kei ca tu ah cun, Pathian pawng um le, Bawipa Pathian chungah i dor le a tuahmi thil thanh hi a va nuam hringhran dah!

SALM 6:5

Mithi khua ah ahohmanh nih an in hngal lo, Sheol ah ahohmanh nih an in thangṭhat kho lo.

HABAKKUK 1:12

Maw Bawipa, nangmah cu hlanlio piin na um cang lo maw? Ka Pathian, nangmah cu a thiang i zungzal in a nungmi na si. Maw Bawipa, annih kha biaceihtu ah a sertu hna cu nangmah na si, Maw Lungpi, annih kha biaceihnak ah biakhiaktu i a sertu hna cu nangmah na si.

SALM 145:4

Na tuah sernak cu chan khat hnu chan khat thangṭhat a si lai, thil khuaruahhar na tuahmi cu aupi an si lai.

SALM 107:22

Raithawinak in an lawmh awk a si i a tuahmi thil vialte kha lunglawmhnak hla in an thanh awk a si.

SALM 40:10

Khamhnak thawngṭha hi keimah ca lawngah kaa chiah bal lo, zumhawktlak na sinak le na kan bawmhnak hi ka chim zungzal. Na dawtnak a fekmi le zumhawktlak na sinak hi na mi vialte an i pumhnak ah chim loin ka um bal lo.

SALM 40:5

Maw Bawipa ka Pathian, nangmah nih kan caah thil tampi na tuah; nangmah bantuk ahohmanh an um lo. Nangmah nih lam ṭhaṭha tampi khua na kan khanpiak. An dihlak in chim i tim ning law a chim hmanh ka chim cawk hna hnga lo.

JEREMIAH 51:10

Bawipa nih, “Ka mi hna, au u law, ‘Kannih cu kan sual lo kha Bawipa nih nih fiang tein a langhter cang; Ra u law, Bawipa kan Pathian nih a tuahmi cu, Zion ah thanh u sih,’ ti u,” tiah a ti.

SALM 119:13

Na kan pekmi nawlbia vialte cu, fak piin ka chim lengmang hna lai.