SALM 114:2 - Lai (Hakha) Common Language Bible 2006

² Judah cu Bawipa mithiang ah a cang, Israel cu amah ta ah a cang.

Laibaibal Thiang (BSI)

² Judah hna cu a hmunthiang an si i Israel ram cu a pennâk ram a si.

SALM 114:2 Referans Kwoze

EXODUS 25:8

Biakinn pakhat an ka serpiak lai i cuticun an lakah ka um lai.

EXODUS 15:17

Na mi cu na luhpi hna lai i na tlang cungah khan na phun hna lai, na umnak inn ca i na sermi hmun ah khan na phun hna lai maw Bawipa, nangmah hrimhrim nih na sakmi biakinn ah khan na phun hna lai, maw Bawipa.

EXODUS 6:7

Nannih cu ka mi ah kan lak hna lai i kei cu nan Pathian ka si lai. Nannih nih kei cu Bawipa nan Pathian, Izipt mi nih hramhram in an in hnekmi hna rian in an luattertu hna ka si kha nan hngalh lai.

DEUTERONOMI 27:9

Cun Moses le Levi tlangbawi hna nih khan Israel mi vialte sinah cun, “Maw Israel, dai tein um law, ngai tuah: nihin ni ah hin Bawipa nan Pathian mi nan si cang.

DEUTERONOMI 23:14

Bawipa nan Pathian cu nanmah kha khamh awk le nan ral hna kha nan kut chungah pek awkah nan riahhmun chungah aa chawh caah, nan lakah a thurhnawmmi thil zeihmanh a hmuh i an mertak hna nakhnga lo, nan riahhmun cu a thianhlim awk a si.

LEVITIKAS 11:45

Zeitintiah keimah cu nan Pathian si awkah, Izipt ram in an chuahpitu hna Bawipa ka si; cucaah nannih cu nan thian awk a si, keimah ka thian caah,” tiah a ti.

BIAPHUAN 21:3

Bawiṭhutdan in aw thangpi pakhat ka theih i, “Pathian umnak inn cu minung hna sinah a um cang. Anmah sinah cun a um lai i annih cu a mi an si lai. Pathian hrimhrim cu an sinah a um lai i amah cu an Pathian a si lai.

DEUTERONOMI 27:12

“Jordan tiva nan tan dih tikah, mi kha thluachuah pek hna awkah hi hna hi Gerizim Tlang ah an dir lai: Simeon, Levi, Judah, Issakhar, Josef, le Benjamin.

DEUTERONOMI 7:6

“Zeitintiah nannih cu Bawipa nan Pathian caah miphun thiang nan si; Bawipa nan Pathian nih vawlei cung i a ummi miphun vialte chungin nannih cu amah ro caah an thim cang hna.