SALM 109:27 - Lai (Hakha) Common Language Bible 2006

²⁷ A ka khamhtu cu nangmah na si kha, ka ral cu hngalhter hna.

Laibaibal Thiang (BSI)

²⁷ Hihi BAWIPA, nangmah kut chuak le tuahmi a si ti kha an hngalh khawh nâkhnga!

SALM 109:27 Referans Kwoze

JOB 37:7

A aw kha an theih tikah ruahpi cu tampi in a sur thluahmah. Mi kip kha inn chungah a hrenhkhumh hna i a sermi vialte kha zeihmanh tuah loin an dir sawhsawh ko.

EXODUS 8:19

Camhthiam pawl nih khan Faro cu, “Hihi cu Pathian tuahmi a si,” an ti. Sihmanhsehlaw Faro cu a lung a hak ko i Bawipa nih a rak chim bantuk te khan Moses le Aaron cu an bia a ngai duh hna lo.

LAMKALTU 4:16

“Zeitindah hi mi hna hi kan tuah hna lai? Jerusalem khua chung i a ummi vialte nih, hi thil theihtlei khuaruahhar hi, hi mi hna nih hin an tuah ti cu an hngalh dihmi a si ko i kannih nih, a si lo, kan ti kho fawn ṭung lo.

SALM 126:2

Zeitluk in dah kan nih kan kheh i zeitluk in dah lunglawmhnak hla kan sak kha! Kha tikah khan miphun dang hna nih, “An caah Bawipa nih thil lianngan a tuah,” an kan ti.

EZRA 7:6

hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.

NEHEMIAH 6:16

Cun kan ral vialte nih an theih tikah, kan pawngkam i a ummi miphun vialte hna cu an thin a phang i anmah le anmah an i zumhnak kha a ṭum ngaingai; zeicahtiah hi rian cu kan Pathian bawmhnak thawngin liim a si ti kha an hngalh.