SALM 109:23 - Lai (Hakha) Common Language Bible 2006

²³ Zanlei thladem a loh zau bang khin loh kaa zal cang, khaubawk thlitu nih a choih bang khin choih ka si cang.

Laibaibal Thiang (BSI)

²³ A fiang ti lomi thladem bangin ka lotlau cuahmah i ka der chin lengmang.

SALM 109:23 Referans Kwoze

EXODUS 10:19

Bawipa nih thlitu cu nitlaklei kap in ṭhawng ngaiin a hranter i khaubawk cu a choih hna i Rili Sen ah khan a thlak dih hna. Izipt ram chung a dihlak ah khaubawk pakhat hmanh an tang lo.

JOB 14:2

Pangpar bangin a hung par i a uai ṭhan ko; Thladem bangin a tli i aa peh lo.

1 CHANRELNAK 29:15

Zeitintiah kannih cu, kan pupa vialte hna mipem an rak si bantuk khan, na hmaiah khual kan si; vawleicung i kan nunchung ni hna hi thladem bantuk men an si i ruahchannak zeihmanh a um lo.

JEIM 4:14

Thaizing ah na nunnak cu zei a lawh lai hmanh na hngalh ṭung lo. Nang cu minmei zaammi bantuk, atute a hung um i a lo zaumi bantuk pei na si ko cu.

PHUNGCHIMTU 8:13

Sihmanhsehlaw miṭhalo mi hna caah cun a ṭha dih ko lai lo, an nunnak cu thladem bantukin a liam zau ding an si i Pathian an ṭih lo caah an no tein an thi lai,” an ti.

PHUNGCHIMTU 6:12

Zeitindah, ahohmanh nih a nun chung caan tawite, pakpalawng ngai a simi chungah hin zeidah ka caah a ṭha bik ti cu an hngalh khawh lai? A nunnak tham cu thladem bangin a lo zaumi pei a si ko cu. Aho nih dah a thih hnuah hin vawlei cungah zeidah a hung um lai ti kha a hngalh khawh lai?

SALM 144:4

Minung cu thaw bantuk men a si ko, a nun chung ni hna cu a liam zaumi thladem bantuk men an si ko.

EXODUS 10:13

Cun Moses nih a ṭhiangṭhunh cu a hler i Bawipa nih nichuahlei in thli kha cu ram cungah cun chun nitlak le zan khuadei a hranter. Zinglei ah cun khaubawk kha thli nih cun a chuahpi hna.

SALM 102:12

Sihmanhsehlaw Bawipa, nangmah cu siangpahrang na si zungzal ko; chan vialte nih an in philh lai lo.