SALM 109:14 - Lai (Hakha) Common Language Bible 2006

¹⁴ Bawipa nih a pupa hna sualnak kha philh hlah seh law a nu sualnak kha ngaithiam hlah seh.

Laibaibal Thiang (BSI)

¹⁴ An pupa hna sualpalhnâk cu BAWIPA hmai ah cinken peng si sehlaw, anu sualnâk cu hrawhpiak si hlah seh.

SALM 109:14 Referans Kwoze

NEHEMIAH 4:5

Annih nih khua remhtu hna cu lang hngan in an thin an phawh hna caah an mawhnak cu khuhpiak hna hlah law an sualnak cu cazin chungin hlohpiak hna hlah.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

JEREMIAH 18:23

Asi, Maw Bawipa, nangmah nih keimah thahnak ding caah an timhmi vialte cu na hngalh dih ko; An ṭhat lonak kha hlohpiak hna hlah law, an sualnak kha hnawhpiak hna hlah. Ril cuahmah in na hmaiah chuahpi an si tikah, Na thinhun ni ah an cungah cun ṭuan ko.

ISAIAH 43:25

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

2 SIANGPAHRANG 11:1

Ahaziah nu Athaliah nih a fapa a thih kha a hngalh tikah, a tho i siangpahrang innchungkhar vialte kha a thah hna.

2 SIANGPAHRANG 9:27

Mah hihi Judah siangpahrang Ahaziah nih a hmuh tikah Beth-haggan lei ah a zam. Cun Jehu nih a dawi i, “Amah zong khi kap u,” tiah a ti i Ibleam pawng Gur i hung kainak cho ah khan a rangleng chungah an kah. Cun Megiddo ah a zam i khika ah a thi.

2 SIANGPAHRANG 8:27

Amah zong cu Ahab innchungkhar lam kha a zul ve i amah cu Ahab inn chungkhar tu a si caah Ahab innchungkhar nih an tuah bang khan Bawipa mithmuh i thil ṭhalo kha a tuah.

2 SAMUEL 21:1

David caan lioah cun kum thum chung, aa peh lengmang in mangṭam a tlung i David nih Bawipa hmai kha a kawl. Cun Bawipa nih, “Saul le a innchungkhar cungah thisen chuah mawhnak a um caah a si; zeicahtiah Gibeon mi kha a thah hna,” tiah a ti.

2 SAMUEL 3:29

Dantatnak Joab lu cung le a pa innchungkhar vialte cungah tla ko seh; cun Joab chung hna lakah hin thil chuak a ngeimi siseh, thinghmui zawtnak a ngeimi siseh, lathlur a tlaimi siseh, vainam nih a thahmi siseh, rawl a pammi siseh, ṭhing bal hna hlah seh!” tiah a ti.

LEVITIKAS 26:39

Cun nannih lakin a tangmi hna cu nan ral hna ram chungah, an ṭhat lo ruangah an loral chin lengmang lai; cun an pupa hna ṭhat lo ruang zongah, anmah bantukin an loral lai.

EXODUS 34:7

A biakamnak kha mi thong tampi cungah a hmunhter i palhnak le ṭhat lonak le sualnak kha a ngaihthiam hna; asinain an pale sualnak ruangah an fale le an tule kha a chan thum a chan linak tiang dantat a tlolh lomi a si,” tiah a au.